అక్కినేని కుటుంబం నుంచి మరో క్రేజీ మల్టీస్టారర్ రాబోతుందా? అంటే.. అవుననే అంటున్నాయి సినీ వర్గాలు. అయితే ఈ చిత్రంలో అక్కినేని సోదరులు మాత్రమే కథానాయకులుగా కనిపిస్తారట. అదేనండి.. నాగచైతన్య - అఖిల్ ప్రధాన పాత్రధారులుగా ఈ క్రేజీ మల్టీస్టారర్‌ను ప్లాన్‌ చేస్తున్నారట.
ఈ సినిమాకు యువ నటుడు, దర్శకుడు రాహుల్‌ రవీంద్రన్‌ దర్శకత్వం వహించనున్నాడట. 'చిలసౌ' చిత్రంతో అక్కినేని కాంపౌండ్‌ను ఆకర్షించిన ఈ యువ డైరెక్టర్‌.. తాజాగా నాగార్జునతో ‘'మన్మథుడు 2'ను తెరకెక్కించాడు. ఈ నేపథ్యంలోనే నాగ్‌కు రాహుల్‌ పని నచ్చినందున ఈ క్రేజీ మల్టీస్టారర్‌ను అతని చేతుల్లో పెట్టడమే ఉత్తమమని నిర్ణయించుకున్నాడట. ఈ వార్తల్లో వాస్తవమెంత అన్నది తెలియాలంటే మరికొద్ది రోజులు వేచి చూడక తప్పదు.