నాగచైతన్యకు జోడీగా 'ఇస్మార్ట్​' భామ!

యువ కథానాయకుడు నాగచైతన్య, దర్శకుడు విక్రమ్​ కే కుమార్​ కాంబినేషన్​లో రూపొందుతోన్న చిత్రం 'థ్యాంక్యూ'. ఓ విభిన్న ప్రేమకథతో తెరకెక్కుతోన్న సినిమాలో చైతూ సరసన ముగ్గురు హీరోయిన్లు నటించనున్నారని సమాచారం. అందులో ఒక పాత్ర కోసం చిత్రబృందం నభానటేష్​ను ఎంపికచేసినట్లు ప్రచారం జరుగుతోంది.

అక్కినేని నాగచైతన్య కథానాయకుడిగా విక్రమ్. కె.కుమార్ దర్శకత్వంలో రూపొందుతోన్న చిత్రం 'థాంక్యూ'. ప్రస్తుతం ఈ సినిమా షూటింగ్​ శరవేగంగా జరుపుకొంటోంది. ఓ విభిన్నమైన ప్రేమకథతో తెరకెక్కుతోన్న చిత్రమిది. ఇందులో చైతన్య సరసన ముగ్గురు కథానాయికలు ఆడిపాడనున్నారు. అందులో ఓ నాయికగా నభా నటేష్​ను ఖరారు చేశారని సమాచారం.

ఇటీవలే కథా చర్చలు పూర్తయ్యాయని, ఆమెకు పాత్ర నచ్చడం వల్ల సినిమా చేసేందుకు సంతకాలు చేసిందని తెలిసింది. మరో ఇద్దరు నాయికా పాత్రల కోసం మాళవికా నాయర్, ప్రియాంక మోహన్ పేర్లను పరిశీలిస్తున్నట్లు తెలుస్తోంది. ఈ చిత్రంలో నాగచైతన్య.. మహేశ్​బాబు అభిమానిగా కనిపించనున్నారని టాలీవుడ్​లో ప్రచారం జరుగుతోంది.

ఇదీ చూడండి:ఈ సినిమా వదులుకోకూడదు అనుకున్నా: కార్తికేయ