బాలీవుడ్ మెగాస్టార్ అమితాబ్ బచ్చన్.. కరోనా సోకడం వల్ల, ప్రస్తుతం ముంబయిలోని నానావతి ఆసుపత్రిలో చికిత్స పొందుతున్నారు. తాను కోలుకోవాలని దేశవ్యాప్తంగా ప్రార్థనలు చేసిన అభిమానులందరికీ కృతజ్ఞతలు చెప్పారు. ప్రతిఒక్కరి సందేశాల ద్వారా వారి ప్రేమను పొందినట్లు ట్విట్టర్ వేదికగా బిగ్బీ పంచుకున్నారు.
"మా శ్రేయస్సు కోసం ప్రేమతో మీరు చేస్తున్న ప్రార్థనలను, మీ ఆశీస్సులను అందుకున్నా. ఎస్ఎంఎస్, వాట్సాప్, ఇన్స్టాతో పాటు ఇతర సోషల్ మీడియా ప్లాట్ఫామ్స్ అన్నింటిలోనూ మీ సందేశాలను చూశాను, విన్నాను. మీకు ఎలా కృతజ్ఞతలు చెప్పాలో తెలియడం లేదు. హాస్పిటల్ ప్రోటోకాల్ పరిమితుల మేరకు ఇంతకంటే ఎక్కువ చెప్పలేను. లవ్యూ ఆల్."
-అమితాబ్ బచ్చన్, బాలీవుడ్ ప్రముఖ నటుడు