Thaman about Aravinda samehta movie: టాలీవుడ్‌లో స్టార్‌ మ్యూజిక్ డైరెక్టర్‌గా పేరు తెచ్చుకున్న తమన్.. గతంలో ఓ పాట కోసం ఎంతో కష్టపడి పనిచేసినట్లు తెలిపారు. కానీ, దానికి అనుకున్నంత స్థాయి గుర్తింపు రాలేదని వివరించారు. తాజాగా ఓ ఇంటర్వ్యూలో పాల్గొన్న ఆయన.. ఈ ఆసక్తికర విషయాన్ని తెలిపారు.
'అరవింద సమేతలోని ఆ పాట కోసం చాలా కష్టపడ్డా.. కానీ!'
Thaman about Aravinda samehta movie: గతంలో తాను కంపోజ్ చేసిన ఎన్టీఆర్ 'అరవింద సమేత'లోని ఓ సాంగ్ కోసం ఎంతో కష్టపడి పనిచేసినట్లు తెలిపారు సంగీత దర్శకుడు తమన్. కానీ, దానికి అనుకున్నంత స్థాయి గుర్తింపు రాలేదని, అందుకు తాను చాలా బాధపడినట్లు వివరించారు. ఇంతకీ ఆ గీతం ఏంటంటే?
అరవింద సమేత మ్యూజిక్ డైరెక్టర్ తమన్
"ఎన్టీఆర్ కథానాయకుడిగా నటించిన 'అరవిందసమేత'(NTR Aravanida samehta movie) ఆల్బమ్‌ అంటే నాకెంతో ఇష్టం. ముఖ్యంగా 'ఏడ పోయినాడో' అనే పాట కోసం ఎంతో కష్టపడి వర్క్‌ చేశాను. అందులో విభిన్నమైన భావోద్వేగాలు ఉంటాయి. ఆ పాట పాడటం కోసం వైజాగ్‌ నుంచి నిఖిత శ్రీవల్లి అనే సింగర్‌ను పిలిపించాం. ఎంతోమంది వాయిస్‌లు టెస్ట్‌ చేశాం. కానీ, ఆ అమ్మాయి వాయిస్‌ మాత్రమే ఆ పాటకు సెట్‌ అయ్యింది. సినిమా విడుదలయ్యాక తప్పకుండా ఆ పాటకు మంచి గుర్తింపు వస్తుందని భావించాను. 'రెడ్డమ్మతల్లి', 'పెనివిటి' పాటలకు వచ్చినంత ప్రశంసలు ఈ పాటకు రాలేదు. అప్పుడు కొంచెం బాధగా అనిపించింది. అలాగే నేను ట్యూన్స్ కాపీ కొడుతున్నానంటూ కొన్ని సందర్భాల్లో విమర్శలు వస్తుంటాయి. అవి విన్నప్పుడు కొంత బాధగా ఉంటుంది. ఆ బాధ, కోపం పోగొట్టుకోవడానికి వెంటనే గ్రౌండ్‌కి వెళ్లి క్రికెట్‌ ఆడతా. పాటలకు అనుకున్నంత మంచిగా ట్యూన్స్ రాకపోయినా సరే వెంటనే గ్రౌండ్‌కు వెళ్లిపోతా" అని తమన్ వివరించారు.
ఇదీ చూడండి:'ప్రభాస్తో అందుకే కుదరలేదు.. త్వరలోనే కలిసి పనిచేస్తాం'