Thaman kalavathi song: సూపర్ స్టార్ మహేశ్బాబు నటించిన 'సర్కారు వారి పాట' సినిమాలోని కళావతి సాంగ్ ఎంతగా అలరిస్తుందో ప్రత్యేకంగా చెప్పనక్కర్లేదు. యూట్యూబ్లోనూ ట్రెండింగ్లో దూసుకుపోతుంది. ఎక్కడ చూసిన ఈ పాటే వినపడుతుంది. చాలా మంది ఈ గీతానికి రీల్స్ చేస్తూ సోషల్మీడియాలో అప్లోడ్ చేస్తున్నారు.
ఈ పాటను కంపోజ్ చేసిన సంగీత దర్శకుడు తమన్పైనా మహేశ్ అభిమానులు ప్రశంసలు కురిపిస్తున్నారు. ఈ క్రమంలోనే శేఖర్ మాస్టర్తో కలిసి కళావతి పాటకు స్టెప్పులేసి ఆశ్చర్యపరిచారు తమన్. దీనికి సంబంధించిన వీడియోను నెట్టింట్లో పోస్ట్ చేయగా వైరల్గా మారింది. విపరీతంగా లైక్స్, కామెంట్స్ వస్తున్నాయి.
మహేశ్బాబు 'సర్కారు వారి పాట'లో కీర్తి సురేశ్ హీరోయిన్గా నటించింది. తమన్ సంగీతమందించగా, పరశురామ్ దర్శకత్వం వహించారు. మైత్రీ మూవీ మేకర్స్ నిర్మించింది. మే 12న సినిమా విడుదలకానుంది.