ఫిబ్రవరిలో నితిన్ 'చెక్'.. మేకింగ్​ వీడియోతో 'రెడ్'

టాలీవుడ్ కొత్త అప్​డేట్స్ వచ్చేశాయి. ఇందులో నితిన్ చెక్, రామ్ రెడ్, సమంత శాకుంతలం, మిస్టర్ అండ్ మిస్ చిత్రాల సంగుతులు ఉన్నాయి.

*నితిన్ 'చెక్' సినిమా విడుదల తేదీ ఖరారు చేసుకుంది. ఫిబ్రవరి 19 నుంచి థియేటర్లలో సందడి చేయనుంది. ఇందులో నితిన్ ఖైదీలా కనిపించనున్నారు. రకుల్ ప్రీత్ సింగ్ న్యాయవాది, ప్రియా ప్రకాశ్ వారియర్ మరో హీరోయిన్​గా నటిస్తోంది. చంద్రశేఖర్ యేలేటి దర్శకుడు.

*తన సినిమా 'శాకుంతలం' కోసం దర్శకుడు గుణశేఖర్​.. ప్రస్తుతం సంగీత చర్చల్లో బిజీగా ఉన్నారు. మణిశర్మ హార్మోనియం ప్లే చేస్తున్న ఓ వీడియోను చిత్రబృందం పంచుకుంది. ఇందులో సమంత టైటిల్​ రోల్​ పోషిస్తోంది.

*రామ్ 'రెడ్' సినిమా మేకింగ్ వీడియోను విడుదల చేశారు. ఇందులో పోలీస్ స్టేషన్​లో ఫైట్​ సీన్​కు సంబంధించిన దృశ్యాల్ని చూపించారు. సంక్రాంతి కానుకగా వచ్చిన ఈ చిత్రం.. ప్రేక్షకుల్ని ఆకట్టుకుంటోంది.

*క్రౌడ్ ఫండింగ్​తో నిర్మించిన 'మిస్టర్ అండ్ మిస్' ట్రైలర్ విడుదలైంది. ఆద్యంతం ఆకట్టుకుంటూ సినిమాపై అంచనాల్ని పెంచుతోంది. సైలేష్ సన్నీ, జ్ఞానేశ్వరి హీరోహీరోయిన్లు. అశోక్ రెడ్డి దర్శకత్వం వహించారు.