>కోలీవుడ్ హీరో విజయ్ 'మాస్టర్' తెలుగు టీజర్.. గురువారం సాయంత్రం 6 గంటలకు విడుదల కానుంది. ఇందులో విజయ్ ఉపాధ్యాయుడిగా కనిపించనున్నారు. ఇప్పటికే వచ్చిన తమిళ టీజర్ రికార్డులు సృష్టిస్తోంది. మరి తెలుగులో ఇంకెన్ని రికార్డులు బద్ధలు అవుతాయో చూడాలి.
>26/11 దాడుల్లో వీరమరణం పొందిన మేజర్ సందీప్ ఉన్నికృష్ణన్ జీవితం ఆధారంగా తీస్తున్న సినిమా 'మేజర్'. పాన్ ఇండియా కథతో తెరకెక్కిస్తుండగా, టాలీవుడ్ నటుడు అడివి శేష్ టైటిల్ రోల్ చేస్తున్నారు. సూపర్స్టార్ మహేశ్బాబు ఓ నిర్మాతగా వ్యవహరిస్తున్నారు. గురువారం ఉదయం 10 గంటలకు ఫస్ట్లుక్ విడుదల చేయనున్నారు.
>ప్రముఖ నటుడు అలీ నిర్మాణంలో తొలిసారి, 'అందరూ బాగుండాలి అందులో నేనుండాలి' సినిమా తీస్తున్నారు. బుధవారం ఉదయం హైదరాబాద్లో లాంఛనంగా ప్రారంభమైంది. ఇందులో అలీ, నరేశ్, మౌర్యానీ ప్రధాన పాత్రలు పోషిస్తున్నారు. సిరిపురం కిరణ్ దర్శకుడు.
>కథానాయకుడు సందీప్ కిషన్ కొత్త సినిమా 'రౌడీ బేబీ'. టైటిల్ ప్రకటించడం సహా షూటింగ్ ప్రారంభమైనట్లు బుధవారం ప్రకటించారు. కేతిక శర్మ హీరోయిన్. జి.నాగేశ్వరరెడ్డి దర్శకత్వం వహిస్తున్నారు.
>శ్రీవిష్ణు నటిస్తున్న 'గాలి సంపత్' తొలి షెడ్యూల్ విశాఖపట్నంలో ముగించింది. దీంతో 80 శాతం చిత్రీకరణ పూర్తయిందని వెల్లడించారు. అనిల్ రావిపూడి కథను అందిచడం సహా నిర్మిస్తున్నారు. అనీష్ కృష్ణ దర్శకుడు. రాజేంద్రప్రసాద్ హీరోకు తండ్రిగా నటిస్తున్నారు.
>'సెహరి' ఫస్ట్లుక్ విడుదలైంది. హర్ష్, సిమ్రాన్ చౌదరి హీరోహీరోయిన్లుగా నటిస్తున్నారు. జ్ఞానసాగర్ దర్శకత్వం వహిస్తున్నారు. వచ్చే ఏడాది ప్రేక్షకుల ముందుకు రానుందీ చిత్రం.
>రాయ్ లక్ష్మి ప్రధాన పాత్రలో నటిస్తున్న 'గర్జన' మోషన్ టీజర్ విడుదలైంది. ఇందులో పులికి సంబంధించిన సన్నివేశాలు ఆకట్టుకుంటున్నాయి. పార్ధిబన్ దర్శకత్వం వహిస్తున్నారు. తెలుగు, తమిళ భాషల్లో సినిమాను త్వరలో రిలీజ్ చేయనున్నారు.
మేజర్ ఫస్ట్లుక్ డిసెంబరు 17న విడుదల డిసెంబరు 17న మాస్టర్ తెలుగు టీజర్ అలీ నిర్మాణంలో తొలిసారి సినిమా సందీప్ కిషన్ కొత్త సినిమా 'రౌడీ బేబీ' గాలి సంపత్ తొలి షెడ్యూల్ పూర్తి
