>స్టార్ హీరోహీరోయిన్ వరుణ్ ధావన్, సారా అలీఖాన్ నటిస్తున్న 'కూలీ నం.1' ట్రైలర్ శనివారం విడుదలైంది. ఆద్యంతం నవ్వులూ పూయిస్తూ ఆకట్టుకుంటోంది. ప్రముఖ దర్శకుడు డేవిడ్ ధావన్ 45వ చిత్రమిది. క్రిస్మస్ కానుకగా క్రిస్మస్ 25 నుంచి అమెజాన్ ప్రైమ్లో స్ట్రీమింగ్ కానుంది.
>'బచ్చన్ పాండే' సినిమా కోసం అగ్రకథానాయకుడు అక్షయ్ కుమార్తో అర్షద్ వార్సీ తొలిసారి కలిసి పనిచేయనున్నారు. యాక్షన్ కామెడీ ఎంటర్టైనర్ షూటింగ్ వచ్చే జనవరి నుంచి ప్రారంభం కానుంది. ఫర్హాద్ సంజీ దర్శకుడు.
>'భాగమతి' హిందీ రీమేక్ 'దుర్గమతి' నుంచి ఓ పాట విడుదలైంది. 'బరస్ బరస్' అంటూ సాగే ఈ గీతం శ్రోతల్ని అలరిస్తోంది. ఇందులో భూమి పెడ్నేకర్ టైటిల్ రోల్ చేసింది. డిసెంబరు 11 నుంచి అమెజాన్ స్ట్రీమ్ కానుందీ సినిమా.
>శ్రీవిష్ణు హీరోగా నటిస్తున్న 'గాలి సంపత్' చిత్రబృందం నుంచి కొత్త పోస్టర్ను విడుదల చేశారు. 'షూటింగ్ సాగుతోంది' అనే క్యాప్షన్ను జోడించారు. ఇందులో రాజేంద్ర ప్రసాద్ కీలకపాత్ర పోషిస్తున్నారు. ప్రముఖ దర్శకుడు అనిల్ రావిపూడి కథను అందించడం సహా నిర్మిస్తున్నారు.
>'ఓదెల రైల్వేస్టేషన్' సినిమా నుంచి ఐపీఎస్ అనుదీప్ పాత్ర ఫస్ట్లుక్ను అభిమానులతో పంచుకున్నారు. ఈ రోల్లో సాయి రోనక్ నటిస్తున్నారు. దర్శకుడు సంపత్ నంది కథనందిస్తుండగా, హెబ్బా పటేల్, వశిష్ట సింహా తదితరులు ప్రధాన పాత్రల్లో కనిపించనున్నారు.