*'అన్నాత్తే' షూటింగ్ పూర్తి చేసుకున్న సూపర్స్టార్ రజనీకాంత్.. చెన్నైలోని తన నివాసానికి చేరుకున్నారు. ప్రత్యేక విమానంలో బుధవారం, హైదరాబాద్ నుంచి చెన్నై వెళ్లారు. ఈ సినిమా దీపావళి కానుకగా నవంబరులో ప్రేక్షకుల ముందుకు రానుంది.
'పుష్ప' టీజర్ మరో రికార్డు.. 'చెక్' ఓటీటీ డేట్ ఖరారు
టాలీవుడ్ అప్డేట్స్ వచ్చేశాయి. ఇందులో అన్నాత్తే, పుష్ప, చెక్ చిత్రాల కొత్త సంగతులు ఉన్నాయి.
మూవీ అప్డేట్స్
*నితిన్ 'చెక్' ఓటీటీలో సందడి చేసేందుకు సిద్ధమైంది. మే 14 నుంచి 'సన్ నెక్స్ట్'లో స్ట్రీమింగ్ కానుంది. అనుకోని కారణాల వల్ల ఉగ్రవాదిగా ముద్రపడి జైలుకెళ్లిన ఓ యువకుడు.. బయటకు ఎలా వచ్చాడు? ఆ తర్వాత ఏం చేశాడు? అనే కథతో ఈ సినిమా తీశారు. చంద్రశేఖర్ యేలేటి దర్శకత్వం వహించారు.
*యూట్యూబ్లో పలు రికార్డులు సృష్టించిన 'పుష్ప' హీరో ఇంట్రో వీడియో.. ఇప్పుడు మరో మార్క్ను అందుకుంది. టాలీవుడ్లో అత్యంత వేగంగా 1.5 మిలియన్ లైక్స్ సాధించిన వీడియోగా నిలిచింది. ఎర్రచందనం అక్రమ రవాణా నేపథ్య కథతో తీస్తున్న ఈ సినిమాలో అల్లు అర్జున్, రష్మిక నటిస్తున్నారు. సుకుమార్ దర్శకుడు.
Last Updated : May 12, 2021, 4:47 PM IST