ఇండియన్ బిగ్​స్క్రీన్​పై సత్తాచాటిన 'టెనెట్'

ఈ ఏడాది కరోనా కారణంగా థియేటర్లు మూసుకుపోయాయి. లాక్​డౌన్ అనంతరం మల్టీప్లెక్స్, థియేటర్లు ప్రారంభమవడం వల్ల ప్రేక్షకులు బిగ్​స్క్రీన్ బాట పట్టారు. తాజాగా బుక్​ మై షో నివేదిక ప్రకారం లాక్​డౌన్ తర్వాత థియేటర్​లో ఎక్కువ మంది భారతీయులు చూసిన సినిమాగా 'టెనెట్' నిలిచింది.

కరోనా కారణంగా ప్రపంచవ్యాప్తంగా థియేటర్లు, మల్టీప్లెక్స్​లు మూతపడ్డాయి. వైరస్ ప్రభావం కాస్త తగ్గడం వల్ల మళ్లీ పునఃప్రారంభమయ్యాయి. దీంతో కొన్ని సినిమాలు బిగ్​స్క్రీన్స్​పై సందడి చేశాయి. లాక్​డౌన్ తర్వాత ప్రేక్షకులు వినోదాన్ని కోరుకోవడం వల్ల సినిమా టికెట్లకు గిరాకీ పెరిగింది. తాజాగా బుక్​ మై షో చెబుతున్న ప్రకారం లాక్​డౌన్ తర్వాత ఎక్కువ మంది థియేటర్లలో చూసిన సినిమాగా హాలీవుడ్ మూవీ 'టెనెట్' నిలిచింది.

అక్టోబర్ 16 నుంచి డిసెంబర్ 18 వరకు ఈ సినిమా టికెట్లు 3 లక్షలకు పైగా అమ్ముడుపోయాయట. షో ఆఫ్ ది ఇయర్ అనే రిపోర్టులో ఈ విషయాన్ని వెల్లడించింది బుక్ మై షో. ఎక్కువ మంది చూసిన చిత్రాల్లో తర్వాత స్థానాల్లో బిస్కోత్ (తమిళం), ఇరండామ్ కుత్తు (తమిళం), సూరజ్ పే మంగల్ భారీ (హిందీ), డ్రాకులా సర్ (బెంగాలీ) ఉన్నాయి.