'మోసగాళ్లు' ట్రైలర్.. లిరికల్ గీతంతో సాయిపల్లవి

గురువారం విడుదలైన 'మోసగాళ్లు' ట్రైలర్ ప్రేక్షకుల్ని అలరిస్తోంది. దీనితో పాటే 'విరాటపర్వం'లోని తొలి లిరికల్ సాంగ్ ఆకట్టుకుంటోంది.

మంచు విష్ణు, కాజల్​ నటించిన 'మోసగాళ్లు' ట్రైలర్​ను మెగాస్టార్ చిరంజీవి విడుదల చేశారు. 'ద వరల్డ్ బిగ్గెస్ట్ ఐటీ స్కామ్' నేపథ్య కథాంశంతో ఈ సినిమాను తెరకెక్కించారు. సునీల్ శెట్టి కీలక పాత్ర పోషించారు. జెఫ్రీ జి చిన్ దర్శకత్వం వహించారు.

'విరాటపర్వం'లోని తొలి లిరికల్​ గీతం రిలీజైంది. 'కోలు కోలు' అంటూ సాగే లిరిక్స్​తో ఉన్న ఈ పాట.. శ్రోతల్ని అలరిస్తోంది. ఈ సినిమాలో సాయిపల్లవి, రానా ప్రధాన పాత్రల్లో.. ప్రియమణి, నందితాదాస్ తదితరులు ఇతర పాత్రల్లో కనిపించనున్నారు. వేణు ఊడుగుల దర్శకుడు. ఏప్రిల్ 30న సినిమాను థియేటర్లలోకి తీసుకురానున్నారు.