ఒక్క డైలాగ్​తో నవదీప్​ క్యారెక్టర్​ చెప్పిన మంచు విష్ణు

కాజల్‌-మంచు విష్ణు ప్రధాన పాత్రల్లో నటించిన సినిమా మోసగాళ్లు. తాజాగా ఈ సినిమాకు సంబంధించిన ప్రత్యేక వీడియోను విడుదల చేశారు హీరో విష్ణు. ఈ వీడియో సినిమాలోని నవదీప్​ పాత్రను తెలియజేస్తుంది.

ప్రపంచంలోనే అతిపెద్ద ఐటీ స్కాం నేపథ్యంగా మంచు విష్ణు, కాజల్ ప్రధాన పాత్రల్లో నటించిన చిత్రం 'మోసగాళ్లు'. నవదీప్, నవీన్ చంద్ర, సునీల్ శెట్టి కీలక పాత్రలు పోషించిన ఈ చిత్రం మార్చి 19న ప్రేక్షకుల ముందుకు రాబోతుంది. ఈ సందర్భంగా నవదీప్, మంచు విష్ణు... హైదరాబాద్ ప్రసాద్ ప్రివ్యూ థియేటర్​లో ఈ చిత్రానికి సంబంధించిన ప్రత్యేక వీడియోను విడుదల చేశారు. ఈ వీడియో సినిమాలోని నవదీప్ పాత్రను తెలియజేస్తుంది.​

కోట్లాది రూపాయల ఐటీ స్కాం చేసి.. ఆ తర్వాత అందులో నుంచి ఇద్దరు అన్నా చెల్లెళ్లు ఎలా బయటపడ్డారు, అందుకు దారి తీసిన పరిస్థితులేంటనేవి తమ చిత్రంలో చూపించినట్లు చెప్పారు మంచు విష్ణు. ఈ కథ తనకు ఎంతో ఆసక్తిగా అనిపించి సినిమా చేశానని వెల్లడించారు. ఈ చిత్రం తప్పకుండా ప్రతిఒక్కరికీ నచ్చుతుందని అన్నారు.

ఇదీ చూడండి: 'నా దృష్టిలో ఎంజాయ్​మెంట్​ అంటే అదే!'