కోలీవుడ్ స్టార్ హీరో సూర్య నటిస్తున్న తమిళ చిత్రం 'సూరరై పోట్రు'. తెలుగులో 'ఆకాశమే నీ హద్దురా!' పేరుతో విడుదల కానుంది. సుధా కొంగర దర్శకత్వం వహిస్తోంది. ఎయిర్‌ డెక్కన్‌ వ్యవస్థాపకుడు జీఆర్‌ గోపీనాథ్‌ జీవితం ఆధారంగా ఈ సినిమా తీస్తున్నారు. ఇందులో సీనియర్ నటుడు మోహన్బాబు కీలకపాత్ర పోషిస్తున్నాడు. శుక్రవారం అతడికి సంబంధించిన స్టిల్స్‌ను విడుదల చేశారు.
అసలు పేరుతోనే నటిస్తున్న మోహన్బాబు
కలెక్షన్ కింగ్ మోహన్బాబు.. సూర్య 'ఆకాశమే నీ హద్దురా!' సినిమాలో తన అసలు పేరుతోనే ఉన్న పాత్రలో నటిస్తున్నాడు.
నటుడు మోహన్బాబు
విశేషమేమింటే ఇందులో మోహన్బాబు.. తన సొంత పేరు భక్తవత్సలం నాయుడుగానే కనిపించనున్నాడు. ఈ చిత్రం తమిళ వెర్షన్‌లోని తన పాత్రకు మోహన్బాబు స్వయంగా డబ్బింగ్‌ చెప్పుకున్నాడు.
ఇందులో సూర్య సరసన అపర్ణ బాలమురళి హీరోయిన్గా నటిస్తోంది. ఊర్వశి, జాకీష్రాఫ్‌ ముఖ్యపాత్రలు పోషిస్తున్నారు. జీవీ ప్రకాశ్‌ సంగీతమందిస్తున్నాడు. వేసవిలో ప్రేక్షకుల ముందుకు రానుందీ చిత్రం
Last Updated : Mar 2, 2020, 9:49 PM IST