బాలీవుడ్‌ నటి విద్యా బాలన్‌ 'షేర్ని' చిత్రం షూటింగ్ను తాను ఆపలేదని మధ్యప్రదేశ్ మంత్రి విజయ్ షా స్పష్టం చేశారు. గత కొన్ని రోజులుగా వస్తున్న కథనాల్లో వాస్తవం లేదన్నారు.
'నేను విద్యాబాలన్‌ను డిన్నర్కు పిలవలేదు...' - విద్యాబాలన్ వార్తలు
బాలీవుడ్‌ నటి విద్యా బాలన్‌ ప్రధాన పాత్రలో నటిస్తున్న సినిమా 'షేర్ని'. అమిత్‌ మసుర్కర్‌ దర్శకత్వం వహిస్తున్నారు. కరోనా తర్వాత మధ్యప్రదేశ్లో మళ్లీ షూటింగ్ పునః ప్రారంభమైంది. అయితే తాజాగా అదే రాష్ట్రానికి చెందిన మంత్రి విజయ్ షా డిన్నర్కు పిలిస్తే విద్య తిరస్కరించారని.. ఫలితంగా మంత్రి అనుచరులు షూటింగ్ను అడ్డుకున్నారని వార్తలు వచ్చాయి. తాజాగా వాటిపై స్పష్టతనిచ్చారు విజయ్.
'నేను విద్యా బాలన్‌ను డిన్నర్కు పిలవలేదు...'
"వాళ్లు బాలాఘాట్‌లో సినిమా షూటింగ్ కోసం అనుమతి తీసుకున్నారు. నన్ను డిన్నర్కు రమ్మని ఆహ్వానించారు. ఇప్పట్లో సాధ్యం కాదని చెప్పాను. మహారాష్ట్రకు వచ్చినప్పుడు కలుస్తానని చిత్ర బృందానికి తెలిపా. దీంతో భోజన ఏర్పాట్లు ఆగిపోయాయి, సినిమా షూటింగ్ కాదు. నన్ను వాళ్లు ఆహ్వానించారే కానీ నేను కాదు.." అని విజయ్ పేర్కొన్నారు.
గత కొన్ని రోజులుగా 'షేర్ని' చిత్రం షూటింగ్ మధ్యప్రదేశ్లో జరుగుతోంది. అడవుల్లో సాగే సన్నివేశాల చిత్రీకరణ కోసం కొన్ని వారాల క్రితం విద్యాబాలన్ అక్కడికి వెళ్లారు. ఈ నేపథ్యంలో ఆమెను విజయ్ షా డిన్నర్కు ఆహ్వానించారని.. దాన్ని నటి తిరస్కరించారని వదంతులు వచ్చాయి. ఆ మరుసటి రోజు అటవీశాఖ అధికారులు ప్రొడక్షన్‌ హౌస్‌ వాహనాల్ని అడవుల్లోకి అనుమతించలేదని, అవి అక్కడే ఆగిపోయాయని ప్రచారం జరిగింది. సినిమా షూటింగ్ను కూడా ఆపేశారని చెప్పుకొచ్చారు. దీనిపై ఇప్పుడు మంత్రి స్పందించారు.
Last Updated : Nov 29, 2020, 9:47 PM IST