మహేశ్​-రష్మిక డ్యాన్స్.. అభిమానుల 'మైండ్​బ్లాక్'

'సరిలేరు నీకెవ్వరు' సినిమాలోని మైండ్​బ్లాక్​ సాంగ్ ప్రోమోను అభిమానులతో పంచుకుంది చిత్రబృందం. అదిరిపోయే స్టెప్పులతో అలరించింది మహేశ్​-రష్మిక జోడీ.

సూపర్​స్టార్ మహేశ్​బాబు 'సరిలేరు నీకెవ్వరు'.. సంక్రాంతి కానుకగా ఇటీవలే ప్రేక్షకుల ముందుకొచ్చింది. అన్నిచోట్ల పాజిటివ్ టాక్ తెచ్చుకొని, మూడు రోజుల్లోనే రూ.103 కోట్ల గ్రాస్​ వసూలు చేసింది. ఈ చిత్రంలో 'మైండ్​బ్లాక్' పాటకు థియేటర్​లో విపరీతమైన స్పందన వస్తోంది. మహేశ్​-రష్మిక డ్యాన్స్​కు అభిమానులు ఫుల్​ ఫిదా అయిపోయారు. ఇప్పుడు ఆ పాట ప్రోమోను నెట్టింట్లో పంచుకుంది చిత్రబృందం.

ఈ సినిమాలో విజయశాంతి, ప్రకాశ్ రాజ్, సంగీత, రాజేంద్రప్రసాద్ తదితరులు కీలక పాత్రలు పోషించారు. దేవిశ్రీ ప్రసాద్ సంగీతమందించాడు. అనిల్ రావిపూడి దర్శకత్వం వహించాడు. అనిల్ సుంకర-దిల్​రాజు-మహేశ్​బాబు సంయుక్తంగా నిర్మించారు.​