సినీప్రేక్షకులు ఎంతో ఆసక్తిగా ఎదురుచూస్తున్న విజయ్ దేవరకొండ 'లైగర్'(vijay devarkonda liger movie) సినిమా అప్డేట్ వచ్చేసింది. గతంలో దిగ్గజ బాక్సర్ మైక్ టైసన్(mike tyson in liger movie) ఇందులో నటించనున్నాడంటూ జోరుగా ప్రచారం సాగింది. ఇప్పడా వార్తనే నిజం చేస్తూ చిత్రబృందం అధికారికంగా ప్రకటించింది. దీంతో అతడు తొలిసారి భారతీయ చిత్రంలో మెరవనున్నాడు. ఈ మూవీకి పూరీజగన్నాథ్ దర్శకుడు. అనన్య పాండే హీరోయిన్. పాన్‌ ఇండియా స్థాయిలో ధర్మ ప్రొడక్షన్స్‌, పూరి కనెక్ట్స్‌ సంయుక్తంగా ఈ చిత్రాన్ని నిర్మిస్తున్నాయి. ఈ సినిమా కోసం విజయ్ దేవరకొండ మిక్స్‌డ్‌ మార్షల్‌ ఆర్ట్స్‌లో ప్రత్యేకంగా తర్ఫీదు పొందారు.
'కొండపొలం' ట్రైలర్
వైష్ణవ్‌ తేజ్‌, రకుల్ ప్రీత్‌సింగ్‌ జంటగా నటిస్తోన్న చిత్రం 'కొండపొలం'(kondapalem movie release date). క్రిష్‌ దర్శకుడు. రాజీవ్‌ రెడ్డి, జె. సాయి బాబు నిర్మాతలు. అక్టోబరు 8న ప్రేక్షకుల ముందుకురానుంది. ఈ నేపథ్యంలో చిత్ర బృందం ట్రైలర్‌ను విడుదల చేసింది. అడవి నేపథ్యంలో సాగే సన్నివేశాలతో ట్రైలర్ ఆద్యంతం ఆసక్తిగా సాగింది. రవీంద్ర యాదవ్‌గా వైష్ణవ్‌ తేజ్‌, ఓబులమ్మగా రకుల్(vaishnav tej kondapolam) ఆకట్టుకుంటున్నారు. ఈ జోడీ ట్రైలర్‌కి ప్రధాన ఆకర్షణగా నిలుస్తోంది. ఎం. ఎం. కీరవాణి అందించిన నేపథ్య సంగీతం బాగుంది. సన్నపురెడ్డి వెంకటరామిరెడ్డి రాసిన 'కొండపొలం' నవల ఆధారంగా ఈ సినిమాని రూపొందిస్తున్నారు.
మేకింగ్ వీడియో
సిద్ధార్థ్, శర్వానంద్ నటించిన మల్టీస్టారర్ చిత్రం 'మహాసముద్రం'(mahasamudram release date). ఇటీవల ఈ చిత్రంలోని అదితి రావ్ హైదరీ నటించిన 'చెప్పకే చెప్పకే' పాట విడుదలై శ్రోతలను ఆకట్టుకుంది. ఈ సందర్భంగా ఈ గీతానికి సంబంధించిన మేకింగ్ వీడియోను విడుదల చేసింది చిత్రబృందం.
'సర్దార్ ఉద్దమ్' ట్రైలర్
విక్కీ కౌశల్‌ కీలక పాత్రలో(vicky kaushal new movie) సూజిత్‌ సిర్కార్‌ దర్శకత్వం వహిస్తున్న హిస్టారికల్‌ డ్రామా 'సర్దార్ ఉద్దమ్'(sardar udham amazon). చిత్రీకరణ పూర్తి చేసుకున్న ఈ సినిమా త్వరలోనే ప్రముఖ ఓటీటీ అమెజాన్‌ ప్రైమ్‌ వీడియో వేదికగా అక్టోబరు 16వ తేదీ నుంచి స్ట్రీమింగ్‌ కానుంది. ఈ సందర్భంగా చిత్ర టీజర్‌ను విడుదల చేశారు.
1919 జలియన్‌ వాలాబాగ్‌ ఉదంతం నేపథ్యంలో ఈ సినిమా సాగనుంది. జలియన్‌ వాలాబాగ్‌లో సమావేశమైన స్వాతంత్ర్య సమరయోధులపై బ్రిటిష్ అధికారి, జనరల్ డయ్యర్‌ తన సైన్యంతో వచ్చి, తుపాకీ గుళ్ల వర్షం కురిపించాడు. ఈ ఘటనలో మొత్తం వెయ్యికు పైగా భారతీయులు మృత్యువాతపడ్డారు. భారతదేశ చరిత్రలో అదొక చీకటిదినంగా చరిత్రకారులు అభివర్ణిస్తారు. వందల మంది మృతికి కారణమైన జనరల్ డయ్యర్‌ను విప్లవకారుడైన ఉద్దమ్ సింగ్‌ కాల్చి చంపాడు. అనంతరం ఉరిశిక్ష అనుభవించాడు. ఇప్పుడు ఈ కథతోనే విక్కీ-సూజిత్‌ సిర్కార్‌లు 'సర్దార్ ఉద్దమ్'(sardar udham release date) తెరకెక్కించారు.
ఇదీ చూడండి: 'రిపబ్లిక్' మేకింగ్ వీడియో.. 'రాకెట్రీ' రిలీజ్ డేట్
