2020 గ్రామీ అవార్డుల ముందస్తు వేడుక లాస్ ఏంజెల్స్లో ఆదివారం జరిగింది. ఇందులో యూఎస్ మాజీ అధ్యక్షుడు బరాక్ ఒబామా సతీమణి మిషెల్ ఒబామా అరుదైన గౌరవం దక్కించుకున్నారు. ఆమె రాసిన 'బికమింగ్' అనే ఆడియో ఆల్బమ్.. ఈ పురస్కారం సొంతం చేసుకుంది. 'బికమింగ్'లో మిషెల్.. తన జీవిత ప్రయాణం గురించి ప్రస్థావించారు. చికాగో దక్షిణ భాగం నుంచి ఆమెరికా వరకు ఆమె సాగించిన ప్రస్థానమే ఈ 'బికమింగ్'.
మాజీ అధ్యక్షుడికీ రెండు అవార్డులు
మిచెల్ భర్త, అమెరికా మాజీ అధ్యక్షుడు బరాక్ ఒబామా ఇప్పటికే రెండుసార్లు ఈ అవార్డును దక్కించుకున్నారు. ఆయన రాసిన 'డ్రీమ్స్ ఫ్రమ్ మై ఫాదర్'(2006), 'ద అడాసిటీ ఆఫ్ హోప్'(2008)లు ఈ ఘనత సాధించాయి.