బిగ్బీ అమితాబ్ బచ్చన్కు టాలీవుడ్ మెగాస్టార్ చిరంజీవి పుట్టినరోజు శుభాంక్షలు తెలియజేశారు. 'పవర్ హౌస్ ఆఫ్ టాలెంట్' అంటూ అమితాబ్ను ఓ రేంజ్లో ప్రశంసించారు.
అమితాబ్కు చిరు విషెస్.. 'ప్రతిభకు పవర్హౌస్' అని ట్వీట్
ప్రముఖ నటుడు అమితాబ్ బచ్చన్కు బర్త్ డే విషెస్ చెప్పారు మెగాస్టార్ చిరంజీవి. ఆయనపై పొగడ్తలు కురిపిస్తూ ట్వీట్ చేశారు.
చిరంజీవి అమితాబ్ బచ్చన్
"నా ప్రియమైన పెద్దన్నయ్య, భారతీయ సినిమాకు బిగ్బీ, ప్రతిభకు పవర్హౌస్, నాకు ఎప్పటికీ దారి చూపించే మార్గనిర్దేశకుడు, ఒన్ అండ్ ఓన్లీ అమితాబ్ జీకి పుట్టినరోజు శుభాకాంక్షలు. రానున్న రోజుల్లోనూ మమ్మల్ని ఇలానే అలరించాలని కోరుకుంటున్నాను" -మెగాస్టార్ చిరంజీవి, అగ్ర కథానాయకుడు
అమితాబ్.. హిందీలో పలు చిత్రాలు చేస్తూ బిజీగా ఉన్నారు. ప్రభాస్-నాగ్ అశ్విన్ దర్శకత్వంలో రూపొందే సినిమాలోనూ కీలక పాత్ర పోషించనున్నారు. మెగాస్టార్ చిరంజీవి.. కొరటాల శివ దర్శకత్వంలో 'ఆచార్య'లో నటిస్తున్నారు.