చిరు 'మెగాస్టార్'​ అవ్వడానికి ఆ గర్భిణియే కారణం!

హైదరాబాద్​ వేదికగా ఆదివారం జరిగిన ఏఎన్నార్‌ జాతీయ పురస్కార ప్రదానోత్సవానికి ముఖ్య అతిథిగా హాజరయ్యారు మెగాస్టార్​ చిరంజీవి. అక్కినేని ఇంటర్నేషనల్‌ ఫౌండేషన్‌ ప్రతిష్ఠాత్మకంగా అందజేసే  ఈ అవార్డులను... 2019కిగానూ నటి రేఖకు అందించారు. ఈ వేదికపై ఆసక్తిరక విషయాన్ని పంచుకున్నారు చిరంజీవి.

అక్కినేని నాగేశ్వరరావు జాతీయ అవార్డుల ప్రదానోత్సవానికి ముఖ్య అతిథిగా హాజరైన చిరంజీవి.. దాదాపు ఆరు దశాబ్దాల క్రితం జరిగిన ఓ సంఘటనను అభిమానులతో పంచుకున్నారు. తన తల్లి గర్భిణిగా ఉన్న సమయంలోనూ నాగేశ్వరరావు సినిమా చూడటానికి ఎంతగా ఆరాటపడిందో చెప్పిన మెగాస్టార్​... ఓ ఆసక్తికర విషయాన్ని పంచుకున్నారు.

మనం ప్రాణాలతో ఉన్నా, లేకపోయినా మన పేరు చిరస్థాయిగా ఉండాలని నాగేశ్వరరావుగారు ఈ అవార్డు పెట్టారని చెప్పిన చిరు​... ఏదో ఒక రోజుకి దాదా సాహెబ్‌ ఫాల్కే వంటి గొప్ప అవార్డు అవుతుందని ఆశిస్తున్నట్లు పేర్కొన్నారు.