మెగాస్టార్ చిరంజీవి- మాటల మాంత్రికుడు త్రివిక్రమ్ కాంబినేషన్కు ఎంతో క్రేజ్. కాని వీరిద్దరూ కలిసి ఇప్పటివరకు సినిమా చేయలేదు. అయితే ఈ ఇద్దరూ ఎప్పుడు కలిసి పనిచేస్తారా? అని మెగా అభిమానుల ఎదురుచూస్తున్నారు. త్వరలోనే ఇది నెరవేరనుందని టాలీవుడ్ వర్గాల టాక్. మెగాస్టార్కు త్రివిక్రమ్ గతంలో ఒక లైన్ చెప్పాడని, ఆ స్క్రిప్ట్ను ఇప్పుడు పూర్తిస్థాయిలో సిద్ధం చేస్తున్నాడీ డైరెక్టర్. ఎన్టీఆర్తో పనిచేయనున్న ఈ దర్శకుడు.. ఆ తర్వాత చిరుతో సినిమా చేస్తాడని గుసగుసలు వినిపిస్తున్నాయి.
పూర్తిగా కమర్షియల్ ఎంటర్టైనర్
వీరిద్దరూ కలిసి చేసే ఈ సినిమా పూర్తి కమర్షియల్ ఎంటర్టైనర్గా ఉండనుందట. త్రివిక్రమ్ సినిమా అంటే.. ఎమోషన్స్, యాక్షన్తో పాటు హీరో కచ్చితంగా హాస్యం పండించాల్సిందే. కామెడీ విషయంలో మెగాస్టార్ నైపుణ్యం గురించి ప్రత్యేకంగా చెప్పక్కర్లేదు. అలాంటి ఈ ఇద్దరి కలయికలో ఎంటర్టైనర్ అంటే ఏ స్థాయిలో ఉంటుందో చూడాలి మరి.
చిరు.. ప్రస్తుతం కొరటాల శివ దర్శకత్వంలో ఓ సినిమా చేస్తున్నారు. రెగ్యులర్ షూటింగ్ జరుగుతోంది. ఈ ఏడాది చివర్లో ప్రేక్షకుల ముందుకు రానుంది. త్రివిక్రమ్.. 'అల వైకుంఠపురములో' చిత్రంతో హిట్ కొట్టాడు.
ఇదీ చదవండి: ఆకట్టుకుంటున్న 'అశ్వథ్థామ' సినిమా ట్రైలర్
