'నా కలల ప్రాజెక్ట్​ కోసం చాలా మంది ప్రాణం పెట్టారు'

ఉయ్యాలవాడ నరసింహారెడ్డి జీవిత కథ ఆధారంగా తెరకెక్కిన చిత్రం ‘సైరా నరసింహారెడ్డి’. శు్క్రవారం ప్రేక్షకుల ముందుకొచ్చిన ఈ సినిమా భారీ విజయాన్ని అందుకుంది. ఈ సందర్భంగా హైదరాబాద్‌లో గురువారం.. 'థ్యాంక్యూ ఇండియా మీట్‌'ను ఏర్పాటు చేసింది చిత్రబృందం.

'సైరా' నరసింహారెడ్డి సినిమా సక్సెస్ మీట్ గురువారం హైదరాబాద్​లో జరిగింది. ఈ సినిమా కోసం ప్రతి ఒక్కరూ ప్రాణం పెట్టి పనిచేశారని చెప్పాడు మెగాస్టార్​ చిరంజీవి. నా కలల ప్రాజెక్టు ఇంత గొప్ప విజయం సాధించడం ఆనందంగా ఉందన్నాడు. సినిమాలోని నటీనటులు, సాంకేతిక విభాగంపై ప్రశంసల వర్షం కురిపించాడు మెగాస్టార్​.

ఇందులో జగపతిబాబు, విజయ్​సేతుపతి, తమన్నా, నయనతార లాంటి స్టార్లు అద్భుతంగా నటించారని మెచ్చుకున్నాడు చిరు. దర్శకుడు సురేందర్​ రెడ్డి.. తెలుగు చిత్రపరిశ్రమకు దొరికిన ఆణిముత్యంగా అభివర్ణించాడు. అనుష్క పాత్రను చివరి వరకు చెప్పకూడదని అనుకున్నామని, ప్రేక్షకుడికి ఆశ్చర్యపరిచేందుకే ఆమె గురించి ఎక్కడా చెప్పలేదని అన్నాడు.

ప్రపంచ వ్యాప్తంగా బుధవారం విడుదలై పాజిటివ్ టాక్ సంపాదించుకుందీ సినిమా. యూఎస్​లో తక్కువ సమయంలో మిలియన్​ డాలర్​ క్లబ్​లో చేరిన సినిమాగా నిలిచింది. ప్రీమియర్స్​, తొలిరోజు కలిపి 1,45,000 డాలర్ల గ్రాస్ సాధించినట్లు సమాచారం. రాబోయే వారాంతంలో ఈ వసూళ్లు మరింత పెరిగే అవకాశముంది.