కొవిడ్ సెకండ్ వేవ్ వ‌ల్ల ఎన్నో కుటుంబాలు ఇబ్బందులు ప‌డుతున్నాయి. చికిత్స‌కు అవ‌స‌ర‌మైన డ‌బ్బులేక దాత‌ల సాయం కోసం ఎదురుచూస్తున్నాయి. అలాంటి వారికి చేయూత‌నందిస్తున్నారు మెగాస్టార్ చిరంజీవి. ఇప్ప‌టికే ప‌లువురికి సాయం చేసి తనలోని ఉదార గుణాన్ని చాటుకున్నారు. పెద్ద‌దిక్కు కోల్పోయిన కుటుంబాలకు అండగా నిలిచారు.
హిందూపూర్‌కు చెందిన కె.ప్ర‌సాద్ రెడ్డి కుటుంబానికి రూ.3 ల‌క్ష‌లు, క‌డ‌పకు చెందిన ర‌వి ప్ర‌సాద్ కుటుంబానికి రూ.3 ల‌క్ష‌లు, విశాఖకు చెందిన కె. శ్రీనివాస రావు కుటుంబానికి రూ.2 ల‌క్ష‌లు, బీఎస్ఎస్ ప్ర‌సాద్ కుమార్ (శ్రీకాకుళం) కుటుంబానికి రూ.ల‌క్ష ఫిక్స్‌డ్ డిపాజిట్ చేశారు. స‌హాయం అందుకున్న వారు సామాజిక మాధ్య‌మాల వేదిక‌గా చిరంజీవికి ధ‌న్య‌వాదాలు తెలియ‌జేశారు.