దోశలేస్తూ.. ఇంటిని శుభ్రం చేస్తూ చిరు ఛాలెంజ్ పూర్తి

మెగాస్టార్ చిరంజీవి 'బీ ద రియల్​మ్యాన్' అనిపించుకున్నారు. ఇంటి పనిలో సాయం చేసి, ఆ వీడియోను పోస్ట్ చేశారు.

యంగ్​టైగర్ జూ.ఎన్టీఆర్ విసిరిన ఛాలెంజ్​ను స్వీకరించిన మెగాస్టార్ చిరంజీవి.. 'బీ ద రియల్ మ్యాన్' అనిపించుకున్నారు. ఇంటిపనుల్లో తన వంతు సాయం చేసి, ఆ వీడియోను పోస్ట్ చేశారు. ఇందులో భాగంగా ఇంటిని శుభ్రం చేస్తూ, దోశలు వేస్తూ కనిపించారు. తను రోజు చేసే పనులేనని.. ఇవాళ మీకోసం ఈ వీడియో సాక్ష్యమని రాసుకొచ్చారు.

అనంతరం మంత్రి కేటీఆర్, సూపర్​స్టార్ రజనీకాంత్​కు ఈ సవాలు విసురుతున్నట్లు ట్విట్టర్​లో పేర్కొన్నారు. ఈ ఛాలెంజ్​లో భాగంగా ఇప్పటికే హీరోలు రామ్​చరణ్, జూ.ఎన్టీఆర్, దర్శకులు రాజమౌళి, కొరటాల శివ, సుకుమార్​ తదితరులు ఇంట్లో పనిని విజయవంతంగా పూర్తి చేసి రియల్ మ్యాన్ అనిపించుకున్నారు.