మెగాస్టార్ చిరంజీవి శనివారం తన పుట్టినరోజు జరుపుకున్నారు. ఈ సందర్భంగా సినీ ప్రముఖులు సోషల్ మీడియా వేదికగా శుభాకాంక్షలు తెలిపారు. కలెక్షన్ కింగ్ మోహన్బాబు మాత్రం ట్వీట్ చేయడమే కాకుండా ఓ చక్కటి కళాకృతిని బహుమతిగా పంపించారు. ముగ్ధుడైన చిరు.. దానిని చూసి మురిసిపోయారు. ట్విట్టర్ వేదికగా ఆనందాన్ని పంచుకున్నారు.
ఆయన పంపిన గిఫ్ట్కు మెగాస్టార్ చిరు ఫిదా!
సీనియర్ నటుడు మోహన్బాబు పంపిన బహుమతికి మెగాస్టార్ చిరంజీవి ఫిదా అయ్యారు. ఆ ఫొటోను ట్వీట్ చేసి ఆనందం వ్యక్తం చేశారు.
కళాకృతితో మెగాస్టార్ చిరంజీవి
"నా చిరకాల మిత్రుడు, తొలిసారిగా నా పుట్టిన రోజునాడు, ఓ కళాకృతిని కానుకగా పంపాడు. ఆ కానుకలో అతని రాజసం, వ్యక్తిత్వం ఉట్టిపడుతున్నాయి. థాంక్యూ మోహన్బాబు" - మెగాస్టార్ చిరంజీవి ట్వీట్
చిరు బర్త్డే సందర్భంగా ఆయన నటిస్తున్న 'ఆచార్య' ఫస్ట్లుక్ కూడా విడుదలైంది. కత్తి పట్టుకుని మాస్ లుక్లో కనిపించారు మెగాస్టార్. ఈ సినిమాను వచ్చే ఏడాది వేసవికి తీసుకొస్తున్నట్లు చిత్రబృందం ప్రకటించింది.
Last Updated : Aug 23, 2020, 3:04 PM IST