మెగా డాటర్ నిహారిక పెళ్లి ప్రస్తుతం టాలీవుడ్లో హాట్టాపిక్గా మారింది. ఇటీవలే ప్రీ వెడ్డింగ్ సెలబ్రేషన్స్ ఘనంగా జరిగాయి. దీనికి సంబంధించిన ఫొటోలు నెట్టింట వైరల్గా మారాయి. ఈ వేడుకకు మెగా ఫ్యామిలీతో పాటు బంధువులు, శ్రేయోభిలాషులు హాజరయ్యారు. అలాగే ఈ వేడుకకు నిహారిక తన తల్లి పద్మ నిశ్చితార్థానికి కట్టుకున్న చీరలో మెరిసిపోయారు.
వీరి వివాహ వేడుక ఈనెల 9న జరగనున్న నేపథ్యంలో ఇరుకుటుంబాలు రాజస్థాన్లోని ఉదయ్పూర్కు బయలుదేరి వెళ్లాయి. దీనికి సంబంధించిన ఫొటోను వరుణ్ తేజ్ సామాజిక మాధ్యమాల ద్వారా పోస్ట్ చేశారు. ఇందులో పెళ్లి కూతురు, పెళ్లి కొడుకు కుటుంబాలు కనిపించాయి.