కరోనా జాగ్రత్తలపై ప్రజలకు మెగా ఫ్యామిలీ సందేశం

లాక్​డౌన్ సమయంలో ఇంట్లో ఉండి, కరోనాను తరిమికొట్టాలని చెప్పింది మెగా కుటుంబం. ఈ విషయాన్నే చెబుతూ ఓ ఫొటోను పోస్టు చేశారు.

భారత్​లో లాక్​డౌన్​ను మే 3వరకు పెంచుతూ కేంద్రం నిర్ణయం తీసుకుంది. ఈ నేపథ్యంలో మెగాకుటుంబం సందేశంతో కూడిన ఓ ఫొటోను పంచుకుంది. ఇందులో భాగంగా మెగా ఫ్యామిలీలోని కొందరు సభ్యులు బోర్డులు పట్టుకుని కరోనా విషయంలో ప్రజలకు జాగ్రత్తలు చెబుతున్నారు. ఇప్పుడిది అభిమానులను విపరీతంగా ఆకట్టుకుంటోంది.

"ఇంట్లో ఉంటాం.. యుద్ధం చేస్తాం.. క్రిమిని కాదు ప్రేమను పంచుతాం.. కాలు కదపకుండా కరోనాను తరిమేస్తాం.. భారతీయులం ఒక్కటై భారత్​ను గెలిపిస్తాం. #STAY HOME #STAY SAFE " అని ఈ ఫొటోలో ఉంది.

కరోనా జాగ్రత్తలపై మెగా కుటుంబం సందేశం

ప్రస్తుతం చిత్ర షూటింగ్​లు, ఇతరత్రా కార్యక్రమాలు నిలిచిపోవడం వల్ల సామాన్యుల నుంచి సెలబ్రిటీల వరకు అందరూ ఇళ్లకే పరిమితమయ్యారు. ఇంట్లోనే ఉంటూ పలు ఫొటోలు, వీడియోలు పోస్ట్ చేసి అలరిస్తున్నారు.