ప్రముఖ వీడియో గేమ్​ను పోలిన లిరికల్ పాట

'మీకు మాత్రమే చెప్తా' సినిమాలోని తొలి లిరికల్ పాట.. సూపర్​ మారియో వీడియో గేమ్​లా ఉంటూ నెటిజన్లను ఆకట్టుకుంటోంది.

ప్రముఖ హీరో విజయ్ దేవరకొండ నిర్మాతగా మారి తీస్తున్న తొలి సినిమా 'మీకు మాత్రమే చెప్తా'. 'పెళ్లి చూపులు' వంటి క్లాస్​ చిత్రం తీసిన దర్శకుడు తరుణ్​ భాస్కర్..​ ఇందులో హీరోగా నటిస్తున్నాడు. ఈ చిత్రంలోని లాలా అంటూ సాగే లిరికల్ గీతాన్ని ట్విట్టర్​లో పంచుకున్నాడు విజయ్. సూపర్ మారియో వీడియో గేమ్​ను పోలినట్టున్న ఈ పాట చూపరులను ఆకట్టుకుంటోంది.

ఈ సినిమాలో అనసూయ భరద్వాజ్, అభినవ్ గోమటం, పావని గంగిరెడ్డి, నవీన్ జార్జ్ థామస్, వాణి భోజన్ఇతర పాత్రలు పోషిస్తున్నారు. శివ కుమార్ సంగీతమందిస్తున్నాడు. షమీర్ సుల్తాన్​ దర్శకుడిగా పరిచయమవుతున్నాడు. ఇప్పటికే విడుదలైన టీజర్​ అలరిస్తోంది.

ఇది చదవండి: మీకు మాత్రమే చెప్తా టీజర్: ప్రతీ ఫోన్​లో ఓ రహ్యసముంటుంది