'సినీరంగంలో రాణించాలనుకుంటే అడ్డదారులు వద్దు'

సినీరంగాన్ని కెరీర్​గా ఎంచుకునే యువత అడ్డదారులు తొక్కొద్దని సూచించారు ప్రముఖ సినీనటుడు బ్రహ్మాజీ. చిత్రసీమలో ఎన్నో మార్పులు చోటుచేసుకున్నాయని.. అందుకు అనుకూలంగా నటీనటులు తయారుకావాలని కోరారు. కాగా, తాను నిర్వహిస్తోన్న మయూఖ ఫిల్మ్​ యాక్టింగ్​ స్కూల్​లో శిక్షణ పొందుతున్న యువతను సినీపరిశ్రమకు అనుకూలంగా ఉండే విధంగా తీర్చిదిద్దుతున్నట్లు తెలిపారు నటుడు ఉత్తేజ్​.

సినీ రంగంలో రాణించాలనుకునే యువత అడ్డదారులు వెతుక్కోవద్దని ప్రముఖ సినీనటుడు బ్రహ్మాజీ విజ్ఞప్తి చేశారు. ఆలస్యమైనా ఓపికతో ప్రయత్నించాలని సూచించారు. ప్రముఖ నటుడు ఉత్తేజ్ నిర్వహిస్తున్న మయూఖ ఫిల్మ్ యాక్టింగ్ స్కూల్​లో శిక్షణ పొందుతున్న యువతను ప్రోత్సహిస్తూ తన అనుభవాలను పంచుకున్నారు. ఈ సందర్భంగా చిత్ర పరిశ్రమలో ఎన్నో మార్పులు చోటుచేసుకున్నాయని పేర్కొన్న బ్రహ్మాజీ.. వాటికి అనుగుణంగా నటీనటులు తయారుకావాలని కోరారు.

మయూఖ శిక్షణ కేంద్రం నుంచి ఇప్పటి వరకు 60 మంది విద్యార్థులను నటీనటులుగా తయారు చేసినట్లు స్పష్టం చేశారు ఉత్తేజ్​. 40 మంది విద్యార్థులు వివిధ రకాల సినిమాలు, వెబ్ సిరీస్​లో నటిస్తున్నట్లు తెలిపారు. తమ కేంద్రం నుంచి వెళ్లే యువత సినీ పరిశ్రమకు అనుకూలంగా ఉండే విధంగా తీర్చిదిద్దుతున్నట్లు వెల్లడించారు.

ఇదీ చూడండి :'బ్రహ్మాజీ కొడుకని హీరోయిజం చూపించాడు'