విక్టరీ వెంకటేష్, వరుణ్ తేజ్ జంటగా నటిస్తోన్న 'ఎఫ్ 3' సినిమా పోస్టర్ ఆదివారం విడుదల చేసింది చిత్రబృందం. వరుస హిట్ చిత్రాలతో దూసుకెళ్తోన్న డైరెక్టర్ అనిల్ రావిపూడి ఈ సినిమాకు దర్శకత్వం వహిస్తున్నారు. అయితే ఈ సినిమాలో మాస్ మహారాజా రవితేజ గెస్ట్ రోల్ పోషించనున్నట్లు టాలీవుడ్ వర్గాలు చెప్పుకొంటున్నాయి.
వెంకీ 60వ పుట్టిన రోజు సందర్భంగా విడుదలైన 'ఎఫ్3' కాన్సెప్ట్ పోస్టర్ సినీ ప్రేమికుల్లో ఆసక్తి రేపుతోంది. డబ్బులతో నిండిన ట్రాలీని నెట్టుకెళ్తోన్న వెంకీ, వరుణ్ లుక్లు భిన్నంగా ఉన్నాయి. మొత్తానికి ఈ సినిమా డబ్బుల చుట్టూ తిరిగే కామెడీ కథాంశం అని అర్థమవుతోంది. అయితే ఈ ఇద్దరు హీరోలను ఇరకాటంలో పెట్టే పాత్ర రవితేజ పోషించనున్నట్లు తెలుస్తోంది.