కరోనా కారణంగా ఇబ్బందులు ఎదుర్కొంటున్న ప్రైవేటు విద్యాసంస్థల ఉపాధ్యాయులను ఆదుకోవాలనే ఉద్దేశంతో ఇటీవల తెలంగాణ ప్రభుత్వం తీసుకున్న నిర్ణయం పట్ల నటుడు మంచు విష్ణు హర్షం వ్యక్తం చేశారు. కేసీఆర్ తీసుకున్న నిర్ణయంతో ఉపాధ్యాయులందరూ ఎంతో సంతోషిస్తున్నారని ట్వీట్ చేశారు.
ఆ నిర్ణయంపై మంచు విష్ణు ఆనందం - manchu vishnu teacher corona fund
కరోనాతో ఇబ్బందులు ఎదుర్కొంటున్న ఉపాధ్యాయులను ఆదుకునేందుకు ఇటీవల తెలంగాణా ప్రభుత్వం తీసుకున్న నిర్ణయాన్ని నటుడు మంచు విష్ణు ప్రశంసించారు. ఈ నిర్ణయంతో ఎంతోమంది అధ్యాపకులు సంతోషిస్తున్నారని అన్నారు.
మంచు విష్ణు
"కరోనా నేపథ్యంలో ప్రైవేటు ఉపాధ్యాయులు, సిబ్బందిని ఆదుకోవాలనే ఉద్దేశంతో ప్రతినెలా వాళ్లకి రూ.2000 నగదు, 25 కిలోల బియ్యాన్ని ఇవ్వాలని నిర్ణయించడం ఓ అద్భుతం. ఈ నిర్ణయంతో విద్యారంగంలో ఉన్న ఎంతో మంది ఉపాధ్యాయులకు మీపై మరెంతో గౌరవం పెరిగింది" అని విష్ణు పేర్కొన్నారు. ఇటీవల విష్ణు.. మోసగాళ్లు సినిమాతో ప్రేక్షకుల ముందుకు వచ్చారు.
ఇదీ చూడండి: యాక్షన్ మూవీగా మంచు విష్ణు 'భక్త కన్నప్ప'!