సినిమాకు అత్యున్నత స్థాయి పురస్కారంగా భావించే ఆస్కార్ అవార్డు బరిలో ఓ తెలుగు లఘుచిత్రం నిలిచింది. వచ్చే ఏడాది ఆస్కార్ పోటీలకు 'మనసా నమః' షార్ట్ఫిల్మ్ అర్హత సాధించింది.
యువ దర్శకుడు దీపక్ తెరకెక్కించిన ఈ లఘు చిత్రం అనేక జాతీయ, అంతర్జాతీయ వేదికలపై సుమారు 900కుపైగా పురస్కారాలను గెలుచుకుంది.
రివర్స్ స్క్రీన్ ప్లే లవ్స్టోరీగా తీసిన ఈ షార్ట్ ఫిల్మ్ను వివిధ దేశాల్లో చూసిన సినీ ప్రియులు.. 'మనసా నమః' ప్రయత్నాన్ని అభినందిస్తూ ప్రశంసించారు. ఆస్కార్ పోటీలో ఉన్న 'మనసానమః'కు ఈ నెల 10 నుంచి ఓటింగ్ జరగనుంది.
ఈ సందర్భంగా హైదరాబాద్లో చిత్ర దర్శకుడు దీపక్ తోపాటు నటీనటులు విరాజ్, దృశిక, డీవోపీ రాజ్, సంగీత దర్శకుడు కమ్రాన్ తమ ఆనందాన్ని వ్యక్తం చేశారు. లఘచిత్ర విశేషాలను, ఆస్కార్ పోటీలో ఎంపికపై వివరాలను వెల్లడించారు.
ఇవీ చదవండి:
