టాలీవుడ్లో హాస్యనటుడిగా రాణిస్తూనే కథానాయకుడిగా సందడి చేసేందుకు సిద్ధమవుతున్నాడు ప్రియదర్శి. అతడు హీరోగా నటించిన ‘మల్లేశం’ జూన్ 21న ప్రేక్షకుల ముందుకు రానుంది.
చేనేత కార్మికుల శ్రమను తగ్గించేలా ఆసు యంత్రాన్ని సృష్టించి జాతీయ స్థాయిలో ప్రఖ్యాతి పొందిన చింతకింది మల్లేశం జీవితం ఆధారంగా ఈ చిత్రాన్ని తెరకెక్కించారు. రాజ్‌.ఆర్‌ దర్శకుడు.
ప్రచార కార్యక్రమాల్లో బిజీగా ఉన్న చిత్రబృందం ఓ కొత్త ప్రయోగానికి శ్రీకారం చుట్టింది. విడుదలకు ముందే సినిమాలోని డిలేటెడ్‌ సీన్స్ను యూట్యూబ్లో పంచుకుంది. సాధారణంగా తొలగించిన సన్నివేశాలను సినిమా రిలీజైన తర్వాత బయటకు వదిలేవారు. కానీ ‘మల్లేశం’ యూనిట్ కాస్త విభిన్నంగా ఆలోచించి ఈ పని చేసింది.
ఇది చదవండి: మల్లేశం చిత్రబృందంపై తెరాస నేత కేటీఆర్ ప్రశంసలు