Actor Death: ప్రముఖ నటుడు కన్నుమూత

హాస్యనటుడు, ప్రతినాయకుడిగా ఎన్నో మలయాళ సినిమాల్లో తన మార్క్​ చూపించిన రిజబవా(rizabawa died) అనారోగ్యంతో మరణించారు. సోషల్ మీడియాలో ఈయనకు సంతాపం తెలియజేస్తూ, పలువురు స్టార్స్ పోస్టులు పెడుతున్నారు.

మలయాళ ప్రముఖ నటుడు రిజబవా(55) సోమవారం తుదిశ్వాస విడిచారు. గత కొన్నేళ్లుగా కిడ్నీ సమస్యలతో బాధపడుతున్న ఆయన.. కోచిలోని ఓ ప్రైవేట్​ ఆస్పత్రిలో చికిత్స తీసుకుంటూ మరణించారు.

ఆయన మృతిపట్ల మలయాళ స్టార్స్ దుల్కర్ సల్మాన్, పృథ్వీరాజ్ సుకుమారన్ తదితరులు సంతాపం తెలియజేస్తున్నారు. సోషల్ మీడియాలో ఆయనకు నివాళులర్పిస్తున్నారు.

మలయాళ నటుడు రిజబవా

కెరీర్​ ప్రారంభంలో హాస్యభరిత పాత్రలతో ఆకట్టుకున్న రిజబవా.. 90ల్లో ప్రతినాయకుడిగా ఎన్నో సినిమాలు చేశారు.

1984లో 'విష్ణుపక్షి'తో చిత్రసీమలోకి అడుగుపెట్టినప్పటికీ, ఆ సినిమా విడుదల కాలేదు. ఆ తర్వాత ఆరేళ్లకు 'డాక్టర్ పశుపతి' చిత్రంలో నటించి, మెప్పించి అందరి దృష్టి తనవైపు తిప్పుకోగలిగారు.

ఇవీ చదవండి: