యంగ్ రెబల్స్టార్ ప్రభాస్ కొత్త సినిమా 'ఆదిపురుష్'. భారతీయ ఇతిహాస కథతో దీన్ని రూపొందించనున్నారు. వచ్చే ఏడాది నుంచి షూటింగ్ ప్రారంభం కానుంది. ఇటీవలే విడుదలైన కాన్సెప్ట్ పోస్టర్ ప్రేక్షకుల్లో సినిమాపై మరింత ఆసక్తిని రేకెత్తిస్తోంది. అయితే ఈ సినిమా గురించి మరో ఆసక్తికర ప్రచారం జరుగుతోంది. ఈ ప్రాజెక్టుకు దాదాపు రూ.500 కోట్ల భారీ బడ్జెట్ను కేటాయించనున్నారని బాలీవుడ్ వర్గాలు అంటున్నాయి. కేవలం విజువల్ ఎఫెక్ట్స్ కోసమే దాదాపు రూ.250 కోట్లు ఖర్చు చేయనున్నారట.
'ఆదిపురుష్' గ్రాఫిక్స్ కోసం అంత ఖర్చా! - Director Om raut
బాలీవుడ్ దర్శకుడు ఓం రౌత్ దర్శకత్వంలో యంగ్ రెబల్స్టార్ ప్రభాస్ ప్రధానపాత్రలో తెరకెక్కనున్న చిత్రం 'ఆదిపురుష్'. ప్రస్తుతం ఈ సినిమాకు సంబంధించిన ఓ ఆసక్తికర ప్రచారం జరుగుతోంది. భారీ బడ్జెట్తో రూపొందుతున్న ఈ సినిమాలో అధిక భాగం విజువల్ ఎఫెక్ట్స్ కోసమే ఖర్చు చేయనున్నారని తెలుస్తోంది.
భారీ బడ్జెట్తో తెరకెక్కనున్న 'ఆదిపురుష్'!
'ఆదిపురుష్'లో రాముడి పాత్రలో ప్రభాస్, సీత పాత్రలో హీరోయిన్ కీర్తి సురేశ్ నటించనున్నారని సమాచారం. బాలీవుడ్ దర్శకుడు ఓం రౌత్ రూపొందించనున్నారు. ఈ చిత్రానికి సంబంధించి మరిన్ని వివరాలను త్వరలోనే చిత్రబృందం వెల్లడించనుంది. ప్రభాస్ ప్రస్తుతం రాధాకృష్ణ కుమార్ దర్శకత్వంలో 'రాధేశ్యామ్', నాగ్ అశ్విన్తో ఓ సైన్స్ ఫిక్షన్ ప్రాజెక్టుతో బిజీగా ఉన్నాడు. ఈ రెండు చిత్రాల షూటింగ్ పూర్తయిన వెంటనే 'ఆదిపురుష్' పట్టాలెక్కించనున్నారు. ఈ సినిమాను 3డీ ఎఫెక్ట్లో తెరకెక్కించబోతుండటం విశేషం.