సందీప్ కిషన్, బాబీ సింహా ప్రధానపాత్రల్లో ఓ చిత్రం తెరకెక్కుతోంది. ముందు ఈ మూవీకి 'రౌడీ బేబి'గా టైటిల్ ఖరారు చేశారు. కానీ, కొన్ని అనుకోని పరిస్థితుల వల్ల ఆ టైటిల్ను మార్చి 'గల్లీ రౌడీ'గా ప్రకటించారు. సోషల్‌ మీడియా వేదికగా టైటిల్ వీడియోను టాలీవుడ్‌ దర్శకులు పూరీ జగన్నాథ్‌, హరీశ్ శంకర్‌, బాబీ, గోపీచంద్‌ మలినేని, శివ నిర్వాణ విడుదల చేశారు. కోనా ఫిల్మ్‌ కార్పోరేషన్‌, ఎంవీవీ సినిమా సంయుక్తంగా నిర్మిస్తున్న ఈ చిత్రంలో నేహా శెట్టి హీరోయిన్‌గా నటిస్తోంది. నాగేశ్వర్ రెడ్డి దర్శకత్వం వహిస్తున్నారు.
'మేజర్' టీజర్ వాయిదా.. 'గల్లీ రౌడీ'గా 'రౌడీ బేబీ'
అడివి శేష్ ప్రధాన పాత్రలో నటించిన 'మేజర్' టీజర్ విడుదల వాయిదా పడింది. సందీప్ కిషన్, బాబీసింహా ప్రధానపాత్రల్లో నటిస్తున్న 'రౌడీ బేబీ' చిత్ర టైటిల్ను 'గల్లీ రౌడీ'గా మార్చారు. ఇంకా పలు చిత్ర విశేషాలు కూడా ఉన్నాయి.
గల్లీ రౌడీ
బాలీవుడ్‌ ప్రముఖ నటుడు అభిషేక్‌ బచ్చన్‌ ప్రధాన పాత్రలో తెరకెక్కుతున్న చిత్రం 'బిగ్‌బుల్‌'. హర్షద్‌ మెహతా జీవితం ఆధారంగా రూపొందిస్తున్నారు. ఏప్రిల్‌ 8న ఈ చిత్రాన్ని నేరుగా ప్రముఖ ఓటీటీ వేదిక డిస్నీ హాట్‌స్టార్‌లో విడుదల చేయనున్నారు. తాజాగా ఆ చిత్రంలోని 'ఇష్క్‌ నమాజా' అంటూ సాగుతున్న ఫీల్‌గుడ్‌ రొమాంటిక్ గీతాన్ని విడుదల చేశారు. కున్వార్‌ జునేజా సాహిత్యమందించగా, అంకిత్‌ తివారి ఆలపించారు. గౌరవ్‌దాస్‌ గుప్తా స్వరాలు సమకూర్చారు. నిఖితా దత్తా అభిషేక్‌ భార్యగా నటిస్తుండగా, ఓ ప్రముఖ జర్నలిస్ట్‌ పాత్రలో ఇలియానా నటిస్తోంది. అజయ్‌ దేవ్‌గణ్‌, ఆనంద్‌ పండిత్‌ నిర్మాతలుగా వ్యవహరిస్తున్న ఈ చిత్రానికి కోకి గులాటి దర్శకత్వం వహిస్తున్నారు.
26/11 దాడుల్లో వీరమరణం పొందిన మేజర్ సందీప్ ఉన్నికృష్ణన్ జీవితం ఆధారంగా తీస్తున్న సినిమా 'మేజర్'. ఈ సినిమాలో అడివి శేష్.. సందీప్ పాత్రలో కనిపించనున్నారు. మార్చి 28న విడుదలవ్వాల్సిన ఈ చిత్ర టీజర్ వాయిదా వేసినట్లు ప్రకటించింది చిత్రబృందం. ఈ చిత్ర దర్శకుడు శశి కిరణ్ ఇంట్లో విషాదం చోటు చేసుకోవడం, దేశంలో కరోనా కేసులు ఎక్కువ అవుతున్న నేపథ్యంలో ఈ నిర్ణయం తీసుకున్నట్లు తెలిపింది. కొత్త తేదీని త్వరలోనే ప్రకటిస్తామని వెల్లడించింది. ఈ సినిమాలో శోభిత దూళిపాళ్ల, సయీ మంజ్రేకర్ కథానాయికలు. సూపర్స్టార్ మహేశ్బాబు నిర్మిస్తుండగా, శశి కిరణ్ తిక్క దర్శకత్వం వహిస్తున్నారు. ఈ ఏడాది జులై 2న థియేటర్లలో చిత్రాన్ని విడుదల చేయనున్నారు.