బెల్లంకొండ చిన్నోడి కోసం ఇంత చిన్న పాపా..?

బెల్లంకొండ సురేశ్ చిన్నకుమారుడు బెల్లంకొండ గణేశ్ హీరోగా తెరంగేట్రం చేయబోతున్నాడని సమాచారం. ఇందులో హీరోయిన్​గా మజిలీ చిత్రంలో చిన్నపాపగా నటించిన అనన్య అగర్వాల్​ను తీసుకోనుందట చిత్రబృందం.

ప్రముఖ నిర్మాత బెల్లంకొండ సురేెశ్ తనయుడు బెల్లంకొండ సాయిశ్రీనివాస్ ఇప్పటికే హీరోగా తానేంటో నిరూపించుకున్నాడు. తాజాగా ఈ నిర్మాత చిన్న కుమారుడు బెల్లంకొండ గణేశ్​ను తెరకు పరిచయం చేయబోతున్నాడని సమాచారం. గణేశ్​ సరసన మజిలీ చిత్రంలో చిన్నపాపగా నటించిన అనన్య అగర్వాల్​​ను హీరోయిన్​గా తీసుకోనున్నట్లు తెలుస్తోంది.

16 ఏళ్ల ఈ యువనటి ఇప్పటికే బాలీవుడ్‌లో పలు హిట్‌ చిత్రాల్లో నటించింది. ‘మజిలీ’లో నాగచైతన్యకు కూతురిగా కనిపించి మెప్పించింది. వయసు రీత్యా అనన్య చిన్నదే అయినప్పటికీ చూడటానికి కాస్త ఎక్కువ వయసున్న యువతిలా కనిపిస్తుంది. అందుకే ఈ పాత్ర కోసం అనన్య అగర్వాల్​నే తీసుకున్నారట. ఓ సరికొత్త ప్రేమకథతో ఈ చిత్రాన్ని రూపొందించబోతున్నారని సమాచారం.

నాగచైతన్యతో అనన్య అగర్వాల్

ఇటీవలే ఈ చిత్రం పూజా కార్యక్రమాలతో లాంఛనంగా ప్రారంభమైంది.ఈ చిత్రాన్ని యువ దర్శకుడు పవన్ సాధినేని తెరకెక్కించనున్నాడు. వివేక్ ఆత్రేయ స్క్రీన్​ప్లే అందించనున్నాడు. వచ్చే ఏడాది వేసవిలో ప్రేక్షకుల ముందుకు తీసుకొచ్చేందుకు చిత్రబృందం సన్నాహాలు చేస్తోంది.

ఇదీ చదవండి: నటించడమే కాదు.. వీరు నడిపిస్తున్నారు కూడా