టుస్సాడ్స్ మ్యూజియం రూపొందించిన మహేశ్బాబు మైనపుబొమ్మను హైదరాబాద్ తీసుకొచ్చారు. ఇక్కడి మహేశ్ సొంత థియేటర్ ఏఎంబీ సినిమాస్లో అభిమానుల కోసం ప్రదర్శనకు పెట్టారు. సూపర్ స్టార్ మహేష్ బాబు స్వయంగా తన మైనపు విగ్రహాన్ని ఆవిష్కరించారు.
కుటుంబ సమేతంగా మైనపు బొమ్మ ఆవిష్కరణ వేడుకలో పాల్గొన్న మహేశ్
- తొలిసారి భారీగా అతిథులు...
- సింగపూర్ బయట ఇలాంటి వేడుక నిర్వహించడం తొలిసారని మేడమ్ టుస్సాడ్ నిర్వాహకులు వెల్లడించారు.
- ఇలాంటి కార్యక్రమాలకు అభిమానులు, అతిథులను తక్కువ సంఖ్యలో ఆహ్వానిస్తారు. కానీ మొదటిసారి భారీగా అభిమానులు తరలివచ్చారు. స్థానిక, జాతీయ, అంతర్జాతీయ మీడియా సమక్షంలో వేడుకను అట్టహాసంగా నిర్వహించారు.
- ప్రత్యేకమైన డ్రాయింగ్ కాంటెస్ట్ ద్వారా కొంత మంది ఆర్టిస్టులకు మహేశ్ను కలిసే అవకాశాన్ని కల్పించింది టుస్సాడ్స్ సంస్థ. మైనపు బొమ్మతో పోటోలు దిగే ఛాన్స్ సైతం ఇచ్చింది.