బాహుబలి పాటకు 'సితార' డ్యాన్స్

సూపర్​స్టార్​ మహేశ్​బాబు గారాలపట్టి సితార...బాహుబలి పాటకు నృత్యం చేస్తున్న వీడియో నెట్టింట వైరల్ అవుతోంది.

సూపర్​స్టార్​ మహేశ్ బాబు ముద్దుల కూతురు సితార. చిన్న వయసులోనే ముద్దు మాటలతో, చలాకీతనంతో ఆకట్టుకుంది. ఆమెకు సంబంధించిన ఫోటోలు, వీడియోలు నమ్రత ఎప్పటికప్పుడూ సామాజిక మాధ్యమాల్లో షేర్​ చేస్తూ ఉంటారు. ఇప్పుడు అలాంటి వీడియోనే మహేశ్ ట్విట్టర్​లో పంచుకున్నారు. దీనికి అభిమానులు కామెంట్ల వర్షం కురిపిస్తున్నారు.

బాహుబలి సినిమాలో 'కన్నా నిదురించరా'... అంటూ సాగే గీతానికి అద్భుతంగా డ్యాన్స్ చేసి ఆకట్టుకుంది సితార. ప్రముఖ సంప్రదాయ నృత్య శిక్షకురాలు అరుణ భిక్షు దగ్గర డాన్స్ నేర్చుకుంటోందీ చిన్నారి.