'గురు' సినిమాతో దర్శకురాలిగా మంచి పేరు తెచ్చుకున్నారు సుధ కొంగర. తమిళ నటుడు సూర్య కథానాయకుడిగా 'ఆకాశం నీ హద్దురా' చిత్రాన్ని తెరకెక్కించి మరో హిట్ను సొంతం చేసుకున్నారు. ఓటీటీలో విడుదలైన ఈ సినిమా మంచి వసూళ్లే సాధించింది.
ప్రస్తుతం ఈమె సూపర్స్టార్ మహేశ్బాబు కోసం ఓ కథ తయారు చేశారని తెలిసింది. దీనిపై చర్చలు జరుగుతున్నాయని సినీ వర్గాల టాక్. అంతా అనుకున్నట్లు జరిగితే త్వరలోనే దీనిపై అధికార ప్రకటన వచ్చే అవకాశముంది.
అంతకముందు 'ఆకాశం నీ హద్దురా' చిత్రాన్ని చూసి మహేశ్ మెచ్చుకున్నారు. ప్రస్తుతం పరశురామ్ దర్శకత్వంలో 'సర్కారు వారి పాట' చిత్రంలో నటిస్తున్నారు మహేశ్. ఈ సినిమా పూర్తవ్వగానే సుద కొంగరతోనే సినిమా చేసే అవకాశాలు ఉన్నాయి.
లాక్‌డౌన్‌ సమయంలో సుధ కొంగర పరువు హత్యల నేపథ్యంలో 'పావ కథైగల్' వెబ్సిరీస్ను ప్రముఖ దర్శకుడు గౌతమ్‌ వాసుదేవ మేనన్‌, వెట్రిమారీ, విఘ్నేష్ శివన్తో కలిసి దర్శకత్వం వహించారు. ఈ సిరీస్ పాజిటివ్ టాక్ అందుకుంది.
ఇదీ చూడండి: సినిమాలు వదిలేసి సేద్యం చేద్దామనుకున్నా!