సితూ పాప.. నిన్ను చూసి గర్వపడుతున్నా: మహేశ్​బాబు

'ఫ్రోజెన్-2' తెలుగు వెర్షన్​లోని బేబి ఎల్సా పాత్రకు సితార డబ్బింగ్ చెప్పింది. ఈ విషయం ట్వీట్ చేసిన హీరో మహేశ్.. కుమార్తె సితారను చూసి గర్వపడుతున్నానని అన్నాడు.

సూపర్​స్టార్ మహేశ్​బాబు.. కూతురు సితారపై ఎప్పటికప్పుడు ప్రేమను వ్యక్తపరుస్తుంటాడు. అందుకు సంబంధించిన ఫొటోలను సోషల్​ మీడియాలో పోస్ట్​ చేస్తుంటాడు. ఇప్పుడు మాత్రం తనని చూసి గర్వపడుతున్నానంటూ ట్వీట్ చేశాడు.

కూతుర సితార గురించి హీరో మహేశ్​బాబు ట్వీట్

"ఆమె(సితార) నిజంగా బేబి ఎల్సా మినీ వెర్షన్. కాన్ఫిడెంట్, మ్యాజికల్ అండ్ ప్యూర్. సితూ పాప.. నిన్ను చూసి గర్వపడుతున్నా. నవంబరు 22 వరకు ఆగలేకపోతున్నా" -ట్విట్టర్​లో మహేశ్​బాబు

హాలీవుడ్​ చిత్రం 'ఫ్రోజెన్-2' తెలుగు వెర్షన్​లోని బేబి ఎల్సా పాత్రకు సితార డబ్బింగ్ చెప్పింది. ఎల్సా పాత్రకు హీరోయిన్ నిత్యామేనన్​ గాత్రమందించింది. ఈనెల 22న ప్రేక్షకుల ముందుకు రానుందీ చిత్రం.

ఇది చదవండి: 'సరిలేరు నీకెవ్వరూ' నుంచి మరో సర్​ప్రైజ్​