ప్రస్తుతం ప్రపంచమానవాళిని వణికిస్తున్న కరోనా వైరస్‌పై పోరాటానికి ప్రతి ఒక్కరు సిద్ధంగా ఉండాలని అంటున్నారు సినీతారలు. అందులో భాగంగా తెలుగు హీరో మహేశ్ బాబు తనవంతుగా సామాజిక మాధ్యమాల్లో తగిన జాగ్రత్తలు చెబుతూనే ఉన్నారు. తాజాగా బాలీవుడ్ నటీనటులతో కలిసి కరోనాపై ప్రచారం చేస్తున్నారు మహేశ్.
కరోనాపై యుద్ధానికి నేనుసైతం అంటోన్న మహేశ్ - మహేశ్ బాబు తాజా వార్తలు
కరోనా వైరస్ను అరికట్టాలంటే ముఖానికి తప్పనిసరిగా మాస్క్ ధరించాలని అంటున్నారు సినీ తారలు. ఈ సందర్భంగా బాలీవుడ్ హీరోలతో కలిసి మాస్క్ ధరించిన ఫొటోను షేర్ చేశారు సూపర్ స్టార్ మహేశ్ బాబు.
మహేశ్
కరోనా వైరస్ను అరికట్టాలంటే మాస్క్ తప్పనిసరని చెబుతున్నారు సినీతారలు. అయితే ప్రజల్లో అవగాహన కోసం ప్రముఖ సెలిబ్రిటీ ఫొటోగ్రాఫర్ అవినాష్ గోవరికర్ ఓ వినూత్న ఆలోచన చేశారు. ఇంతకుముందు ఆయన ఫొటోషూట్ చేసిన ఫొటోలను తాజాగా నెట్టింట షేర్ చేశారు. దీనిని సూపర్స్టార్ మహేశ్ అభిమానులతో పంచుకున్నారు. ఈ ఫొటోలో అమితాబ్‌ బచ్చన్‌, ప్రియాంక చోప్రా, హృతిక్‌ రోషన్‌, షారుక్‌ ఖాన్‌, ఆలియా భట్‌, టైగర్‌ ష్రాఫ్‌తో పాటు క్రికెటర్‌ ఎం.ఎస్‌.ధోనీ కూడా ఉన్నారు.
మహేశ్ ఇప్పటికే ట్విట్టర్‌ వేదికగా మాస్క్ ధరించిన ఫొటోను పెట్టారు. ఆ ఫొటోకి.."అందరూ సురక్షితంగా ఉండాలంటే బయటకు వెళ్లేటప్పుడు కచ్చితంగా మాస్క్ ధరించండి.." అనేె వ్యాఖ్య జోడించారు.