ప్రముఖ దర్శకుడు అనిల్ రావిపూడి, సూపర్ స్టార్ మహేశ్బాబు హీరోగా తెరకెక్కుతున్న చిత్రం 'సరిలేరు నీకెవ్వరు'. మహేశ్కు జోడీగా రష్మిక నటిస్తోంది. ఇటీవలె విడుదలైన ఈ సినిమా టీజర్తో ప్రేక్షకుల్లో భారీగా అంచనాలు నెలకొన్నాయి. ప్రస్తుతం ఈ సినిమా ప్రచారాన్ని పరుగులు పెట్టించే పనిలో పడింది చిత్రబృందం. ఇప్పటికే ప్రతి సోమవారం ఓ పాటను విడుదల చేస్తూ సినీప్రియులను సర్‌ప్రైజ్‌ చేస్తోంది చిత్రబృందం. తాజాగా నెట్టింట సందడి చేసేందుకు గంగవ్వతో కలిసి అనిల్, మహేశ్ రంగంలోకి దిగారు. 'మై విలేజ్ షో' యూట్యూబ్ ఛానల్ ద్వారా మంచి క్రేజ్ సంపాదించుకుంది గంగవ్వ.
ఇప్పుడు గంగవ్వ, ఆమె యూట్యూబ్ ఛానెల్ బృందంతో ఓ ప్రత్యేక ప్రచార కార్యక్రమాన్ని తీర్చిదిద్దిందట సరిలేరు నీకెవ్వరు టీం. ఇందుకు సంబంధించిన ఫొటోలు ఇప్పుడు నెట్టింట వైరల్ అవుతున్నాయి. మరి ఈ కార్యక్రమం ఎలా ఉండబోతుంది? మహేష్‌, విజయ్‌లతో గంగవ్వ చెప్పించిన ముచ్చట్లేంటి అనేవి తెలియాలంటే మరికొద్ది రోజులు వేచి చూడక తప్పదు.