సినీహీరోలు అందంగా కనిపించేందుకు.. ఆ స్థాయిలో పేరు తెచ్చుకునేందుకు తెరవెనక ఎంతో మంది కష్టం దాగి ఉంటుంది. అయితే కొంత మందే వారి కష్టాన్ని గుర్తిస్తారు. ఆ వరుసలో ముందున్నాడు టాలీవుడ్ సూపర్స్టార్ మహేశ్బాబు. తన దగ్గర ఎన్నో ఏళ్ల నుంచి ఓ టెక్నీషియన్ పనిచేస్తున్నాడని, అతడితో ప్రయాణంఇప్పటికీ అంతే ఆనందంగా సాగుతోందని..అతడితో ఉన్న అనుబంధాన్ని నెటిజన్లతో పంచుకున్నాడు ప్రిన్స్. అంతేకాకుండా ఇద్దరూ కలిసి తీసుకున్న ఫొటోలనూ ఇన్ స్టాలో షేర్ చేశాడు.
" ఈయనే నా సౌండ్ రికార్డిస్ట్ నగర రాము. నా మొదటి చిత్రం నుంచి నాతోనే ఉన్నారు. నా సెట్‌లో తప్ప ఆయన వేరే సెట్‌లో కనిపించరు. ఎల్లప్పుడూ నాతోనే, నావెంటే ఉన్నందుకు ఆయనంటే మంచి గౌరవం, ప్రేమ ఉన్నాయి. అన్నా తమ్ముడు, దూకుడు, మహర్షి’, సరిలేరు నీకెవ్వరు చిత్రీకరణల సమయంలో అతడితో తీసుకున్న కొన్ని అందమైన జ్ఞాపకాలు ఉన్నాయి".
-- మహేశ్బాబు, సినీ నటుడు