100 మిలియన్ల క్లబ్​లో మహేశ్ 'మైండ్​ బ్లాక్​'

సూపర్​స్టార్​ మహేశ్​బాబు నటించిన 'సరిలేరు నీకెవ్వరు' సినిమాలోని 'మైండ్​ బ్లాక్​'​ సాంగ్ యూట్యూబ్​లో 100 మిలియన్ల వ్యూస్​ను దక్కించుకుంది. ఈ చిత్రానికి అనిల్​ రావిపూడి దర్శకత్వం వహించారు. హీరోయిన్​గా రష్మిక నటించింది.

అనిల్​రావిపూడి దర్శకత్వంలో సూపర్​స్టార్​ మహేశ్ బాబు హీరోగా గతేడాది ప్రేక్షకుల ముందుకు వచ్చిన చిత్రం 'సరిలేరు నీకెవ్వరు'. ఈ సినిమా బాక్సాఫీస్​ వద్ద ఘన విజయం సాధించింది. అయితే ఈ చిత్రంలోని 'మైండ్​ బ్లాక్​'​ సాంగ్​ ప్రేక్షకులను ఎంతగా ఆకట్టుకుందో ప్రత్యేకంగా చెప్పనక్కర్లేదు.

తాజాగా ఈ సాంగ్​ ఓ రికార్డును సొంతం చేసుకుంది. యూట్యూబ్​ 100 మిలియన్ల వ్యూస్​ అందుకున్న పాటల జాబితాలోకి చేరింది. దీంతో మహేశ్​ ఖాతాలోకి మరో రికార్డు జమ అయినట్లైంది. ఈ సినిమాలో విజయశాంతి, ప్రకాశ్ రాజ్, సంగీత, రాజేంద్రప్రసాద్ తదితరులు కీలక పాత్రలు పోషించారు. దేవిశ్రీ ప్రసాద్ సంగీతమందించాడు. అనిల్ సుంకర-దిల్​రాజు-మహేశ్​బాబు సంయుక్తంగా నిర్మించారు.​

ప్రస్తుతం మహేశ్​. పరశురామ్​ దర్శకత్వంలో సర్కారు వారి పాట సినిమాలో నటిస్తున్నారు. కీర్తిసురేశ్​ హీరోయిన్​.