సూపర్ స్టార్ అత్యాధునిక జిమ్ చూశారా?

సూపర్ స్టార్ మహేశ్ బాబు ప్రస్తుతం ఇంటివద్దే ఉంటూ కాలక్షేపం చేస్తున్నారు. ఫిట్​నెస్​పై దృష్టిపెడుతున్నారు. తన ఇంట్లో అత్యాధునిక జిమ్​ కూడా ఉంది. తాజాగా దీనికి సంబంధించిన ఓ వీడియోను నెట్టింట షేర్ చేశారు ప్రిన్స్ సతీమణి నమ్రత.

తెలుగు నటుడు మహేశ్ బాబు కొంతకాలంగా ఇంట్లోనే ఉంటూ వర్కౌట్స్ చేస్తున్నారు. లాక్‌డౌన్‌ కాలంలో కుటుంబ సభ్యులతో కలిసి సరదాగా గడుపుతున్నారు. మహేశ్ ఇంట్లో అత్యాధునిక జిమ్​తో పాటు స్విమ్మింగ్ పూల్‌ కూడా ఉంది. తాజాగా ప్రిన్స్ భార్య నమ్రతా శిరోద్కర్‌ ఇంట్లోని వ్యాయామశాలకు సంబంధించిన ఓ వీడియోను తన ఇన్‌స్టాగ్రామ్‌లో షేర్‌ చేశారు. ఆ వీడియోకు.. "నెవర్‌ టూ టైర్డ్ ఫర్‌ ది జిమ్‌" అంటూ శీర్షిక పెట్టారు.

నమ్రత ఈ లాక్‌డౌన్‌ కాలంలో మహేశ్​కు సంబంధించిన అనేక ఫొటోలు, వీడియోలు అభిమానులతో పంచుకుంటున్నారు. ప్రస్తుతం ప్రిన్స్.. పరశురామ్‌ దర్శకత్వంలో 'సర్కారు వారి పాట' అనే చిత్రం చేస్తున్నారు. ఇందులో కథానాయికగా కీర్తి సురేశ్ నటిస్తున్నారు.