రైతుగా కనువిందు చేసిన సూపర్​స్టార్

టాలీవుడ్ ప్రిన్స్ మహేశ్​బాబు నటించిన 'మహర్షి' సినిమాలో 'పదరా పదరా..' అంటూ సాగే లిరికల్ పాట  విడుదలైంది. సాహిత్యం ఆకట్టుకునేలా ఉంది.

సూపర్ స్టార్ మహేశ్​బాబు నటించిన సినిమా 'మహర్షి'. ఈ చిత్రం నుంచి 'పదరా పదరా...' అంటూ సాగే లిరికల్ పాట విడుదలైంది. రైతుల కోసమే రూపొందించినట్లు ఈ పాటలోని ప్రతి అక్షరం స్పష్టం చేస్తోంది. శంకర్ మహదేవన్ ఆలపించిన ఈ గీతంలోని సాహిత్యం సంగీత ప్రియుల్ని ఆకట్టుకుంటోంది.

పూజా హెగ్డే హీరోయిన్​గా నటిస్తోంది. అల్లరి నరేశ్ కీలక పాత్రలో కనిపించనున్నాడు. ఇప్పటికే వచ్చిన పాటలు సినిమాపై అంచనాల్ని పెంచేస్తున్నాయి. దేవీశ్రీప్రసాద్ సంగీతమందించాడు. వంశీ పైడిపల్లి దర్శకత్వం వహించాడు. మే 9న ప్రేక్షకుల ముందుకు రానుంది.