డబ్బింగ్ పనుల్లో మహర్షి...

మహేశ్ బాబు "మహర్షి" సినిమా డబ్బింగ్ కార్యక్రమాలు మొదలయ్యాయి.

సూపర్ స్టార్ మహేశ్ బాబు కథానాయకుడిగా నటిస్తున్న చిత్రం మహర్షి. చిత్ర షూటింగ్ శరవేగంగా జరుపుకుంటోంది. ఈ రోజు నుంచే డబ్బింగ్ కార్యక్రమాలను మొదలు పెట్టింది. సంబంధిత చిత్రాలను... నిర్మాణ సంస్థ శ్రీ వేంకటేశ్వర క్రియేషన్స్ ట్విట్టర్​లో పంచుకుంది.

పూజాహెగ్దే కథానాయిక. అల్లరి నరేశ్ ముఖ్య పాత్ర పోషించారు. మహేశ్ బాబు ఇందులో రెండు విభిన్న పాత్రల్లో కనిపించనున్నట్లు సమాచారం. ఇప్పటికే విడుదలైన లుక్స్​ అభిమానులను అమితంగా ఆకట్టుకుంటున్నాయి.

ఏప్రిల్​లో సినిమాను విడుదల చేసేందుకు సన్నాహాలు చేస్తున్నారు. ఈ శివరాత్రికి టీజర్ విడుదల చేసే అవకాశముంది.