'మ్యాడ్​ హౌజ్'​ పేరుతో మెగా హీరోయిన్ వెబ్​సిరీస్​

మెగా హీరోయిన్ నిహారిక కొణిదెల 'మ్యాడ్​ హౌజ్'​ పేరుతో ఓ వెబ్​సిరీస్​ను నిర్మించింది. అక్టోబర్ నుంచి యూట్యూబ్​లో ప్రసారం కానుందీ సిరీస్. మహేశ్ ఉప్పల దర్శకత్వం వహించాడు.

యూట్యూబ్​ స్టార్​గా గుర్తింపు తెచ్చుకున్న మెగా హీరోయిన్ నిహారిక నిర్మాతగానూ అరంగేట్రం చేయనుంది. 'ముద్దపప్పు ఆవకాయ', 'నాన్నకూచి' లాంటి వెబ్​సిరీస్​తో నెట్టింట సందడి చేసిన నిహారిక మరోసారి డిజటల్ ప్రేక్షకులను పలకరించబోతుంది. 'మ్యాడ్ హౌజ్' పేరుతో ఓ కామెడీ వెబ్​సిరీస్​ను నిర్మించింది. హైదరాబాద్​లో ఈ సిరీస్​కు సంబంధించిన విశేషాలను వెల్లడించింది.

ఈ సిరీస్​కు సంబంధించి 100 ఎపిసోడ్​లను నిర్మించినట్లు నిహారిక తెలిపింది. పింక్ ఎలిఫెంట్స్ పిక్చర్స్​ పతాకంపై మహేశ్ ఉప్పల దర్శకత్వం వహించాడు. సంతోష్ నందివాడ, కృతిక సింగ్, శివాని, కార్తీక్ అప్పల కీలక పాత్రలు పోషించారు. అక్టోబర్ నుంచి యూట్యూబ్​లో ఈ సిరీస్​ ప్రసారం కానుంది.

ఇదీ చదవండి: ట్రైలర్: వృద్ధుల పాత్రల్లో అదరగొట్టిన భూమి, తాప్సీ