జయలలిత బయోపిక్​లో 'రోజా' హిట్​ జోడి

'రోజా' సినిమాతో హిట్​ పెయిర్​గా పేరుతెచ్చుకున్న మధుబాల, అరవింద్​ స్వామి మళ్లీ తెరపై సందడి చేయనున్నారు. దాదాపు 25 ఏళ్ల తర్వాత వీరిద్దరూ కలిసి నటించనున్నారు. దివంగత నటి జయలలిత బయోపిక్​ 'తలైవి'లో ఈ జోడీ కనిపించనుంది. ఈ సినిమా తెలుగు, తమిళం సహా హిందీలో తెరకెక్కనుంది.

బాలీవుడ్​ క్వీన్​ కంగనా రనౌత్​ ప్రధాన పాత్రలో తెరకెక్కుతోన్న చిత్రం 'తలైవి'. తమిళనాడు దివంగత ముఖ్యమంత్రి జయలలిత జీవితం ఆధారంగా ఈ సినిమా రూపొందుతోంది. ఇందులో కీలకపాత్రల్లో కనిపించనున్నారు అరవిందస్వామి, మధుబాల జోడీ. వీరిద్దరూ జాతీయ అవార్డు చిత్రం 'రోజా' తర్వాత మళ్లీ 25 ఏళ్లకు కలిసి నటిస్తున్నారు.

ఈ చిత్రం తెలుగు, తమిళంలో 'తలైవి'గా, హిందీలో 'జయ' పేరుతో ప్రేక్షకుల ముందుకు రానుంది. తమిళ దర్శకుడు ఎఎల్​ విజయ్​ ఈ సినిమాని తెరకెక్కిస్తున్నాడు. ఇంతకుముందు తెలుగులో 'కణం​', '​అభినేత్రి2' చిత్రాలకు దర్శకత్వం వహించాడు.

ఇందులో మాజీ తమిళనాడు ముఖ్యమంత్రి ఎమ్​జీ రామ్​చంద్రన్(ఎమ్​జీఆర్​)​ పాత్ర పోషిస్తున్నాడుఅరవింద్​స్వామి. మధుబాల పాత్ర గురించి చిత్రబృందం పూర్తి వివరాలు వెల్లడించలేదు. ఆమె ప్రస్తుతం 'ఖాలీ పీలీ' అనే హరర్​ కామెడీ హిందీ చిత్రంలోనూ కనిపించనుంది. ఇందులో విజయ్​ రాజ్​, థర్మేంద్ర నటిస్తున్నారు. ఈ సినిమాకు మనోజ్​ శర్మ దర్శకత్వం వహిస్తున్నాడు.

ఇదీ చూడండి : దుర్గాష్టమి వేడుకల్లో అమితాబ్​, కాజోల్​ సందడి