Lyca productions Alluarjun: సుకుమార్ దర్శకత్వంలో అల్లుఅర్జున్ హీరోగా వచ్చిన 'పుష్ప' ఎంతటి విజయం సాధించిందో ప్రత్యేకంగా చెప్పనక్కర్లేదు. దేశవ్యాప్తంగా ఎక్కడ చూసిన ఈ సినిమా గురించే టాక్. ఇక ఈ చిత్రంతో ఐకాన్స్టార్ అల్లుఅర్జున్ క్రేజ్ విపరీతంగా పెరిగిపోయింది. దీంతో బన్నీతో సినిమా చేసేందుకు బడా నిర్మాణ సంస్థలు, దర్శకులు ఆసక్తి చూపిస్తున్నారట! భారీ పారితోషికాన్ని ఆఫర్ చేస్తున్నారని తెలుస్తోంది.
ఈ క్రమంలోనే ప్రముఖ నిర్మాణ సంస్థ లైకా ప్రొడక్షన్స్.. అల్లుఅర్జున్తో ఓ భారీ సినిమా చేసేందుకు ప్లాన్ చేస్తున్నట్లు సినీవర్గాల నుంచి సమాచారం అందుతోంది. పాన్ ఇండియా స్థాయిలోనే ఈ ప్రాజెక్ట్ ఉంటుందని చెబుతున్నారు. ఈ సినిమా కోసం బన్నీకి ఏకంగా రూ.75కోట్లు ఇచ్చేందుకు సదరు సంస్థ సిద్ధమైందని ఊహాగానాలు వినిపిస్తున్నాయి.